Lao IT Community Laozaa.com

 ລືມລະຫັດຜ່ານ
 ສະຫມັກສະມາຊິກ
ກະລູນາອ່ານກ່ອນ Zaa!
ເພື່ອຄວາມເປັນລະບຽບຮຽບຮ້ອຍຂອງບອດເຮົາ ຈຶ່ງຂໍຮຽນໃຫ້ພີ່ນ້ອງທຸກຄົນຊາບທົ່ວເຖິງກັນວ່າ ຈາກມື້ນີ້ເປັນຕົ້ນໄປ 19/03/2008 ທາງບອດເຮົາຈະອອກກົດລະບຽບໃນການຕັ້ງຊື່ກະທູ້
ກະລຸນາຕັ້ງກະທູ້ໃຫ້ຖືກຫ້ອງ ກະທູ້ທີ່ຕັ້ງຜິດຫ້ອງຈະຖືກ
ຄົ້ນຫາ
ແທັກຍອດນິຍົມ: ແຮັກ ໂປແກມ Crack Challenge
ເບິ່ງ: 1079|ຕອບກັບ: 3

ຂ່າວເດັ່ນປະຈຳວັນ

[ຄັດລອກລິ້ງ]
  • ຮັບຂອບໃຈ 0 ຄັ້ງ
  • ສົ່ງຂອບໃຈ 0 ຄັ້ງ
Post Last Edit by jockker at 2009-8-14 19:57

ບຸນນະມັດສະການພຣະທາດຫຼວງປີນີ້ີ ຫຼາຍກິດຈະກຳຈະຄຶກຄື້ນມ່ວນຊື່ນ


     ຕອນເຊົ້າວັນທີ 13 ສິງຫາ 2009 ນີ້ ຄະນະກຳມະການຈັດງານບຸນນະມັດສະການພຣະທາດຫຼວງ ແລະ ງານຕະຫຼາດນັດສາກົນ ປະຈຳປີ 2009 ໄດ້ຈັດກອງປະຊຸມປຶກສາຫາລືການກະກຽມແຜນວຽກ ໃຫ້ແກ່ງານດັ່ງກ່າວຂຶ້ນ ທີ່ຫ້ອງປະຊຸມ ອພບ ນວ ໂດຍເປັນປະທານຂອງທ່ານ ສົມວັນດີ ນາຖາວົງ ຮອງເຈົ້າຄອງນະຄອນຫຼວງວຽງຈັນ ປະທານຄະນະກຳມະການຈັດງານບຸນນະມັດສະການພຣະທາດຫຼວງ ແລະ ງານຕະຫຼາດນັດສາກົນ ປະຈຳປີ 2009.
     ກອງປະຊຸມຄັ້ງນີ້ຈະໄດ້ພ້ອມກັນປຶກສາຫາລືບັນດາກິດຈະກຳຕ່າງໆທີ່ຈະຈັດຂຶ້ນຢູ່ໃນງານບຸນ ປະເພນີຢູ່ເດີ່ນທາດຫຼວງຢ່າງຄຶກຄື້ນມ່ວນຊື່ນ ຊຶ່ງມີຄື:
      1.ວຽກງານບຸນນະມັດສະການພຣະທາດຫຼວງ (ປະເພນີ) ປະກອບມີ 5 ກິດຈະກຳຄື: ການແຮ່ປະສາດ ເຜິ້ງ ສ່ຽງຊີ ກາບໄຫວ້ອົງພຣະທາດຫຼວງ ຟັງທຳມະເທດສະໜາ ພິທີຕັກບາດ ຖະຫວາຍສັງຄະທານ ການຫຼິ້ນກີລາພື້ນບ້ານ (ຕີຄີ) ພິທີວຽນທຽນ ກາບໄຫວ້ອົງພຣະທາດຫຼວງ.
      2.ການສະແດງ ແລະ ຂາຍສິນຄ້າ ຈັດໃຫ້ມີຢູ່ 2 ແຫ່ງຄື: ຢູ່ເດີ່ນທາດຫຼວງ ແລະ ສູນການຄ້າລາວ-ໄອເຕັກ ເປົ້າໝາຍໃນການເຂົ້າຮ່ວມງານຢູ່ເດີ່ນທາດຫຼວງ ປະກອບມີ: ຫົວໜ່ວຍການຜະລິດ-ທຸລະກິດ ກະສິກຳ-ປ່າໄມ້ 20 ຫົວໜ່ວຍໂຮງງານອຸດສາຫະກຳ-ຫັດຖະກຳ 50 ຫົວໜ່ວຍ ບັນດາບໍລິສັດ-ລັດວິສາ ຫະກິດ 50 ຫົວໜ່ວຍ ຕົວແທນຈາກບັນດາແຂວງກະຊວງ ເມືອງ ແລະ ຂະແໜງການທີ່ກ່ຽວຂ້ອງ 17 ຫົວໜ່ວຍ ສິນຄ້າອຸດສາຫະກຳໃຊ້ສອຍທົ່ວໄປ 100 ຫົວໜ່ວຍ ຮ້ານວາງສະແດງຂອງສະຖານທູດຕ່າງໆ ປະຈຳ ສປປ ລາວ 24 ຫົວໜ່ວຍ ຮ້ານຄ້າຂາຍຍ່ອຍ ແລະ ບໍລິການຕ່າງໆ 100 ຫົວໜ່ວຍ
ຮ້ານອາຫານ 30 ຫົວໜ່ວຍ ແລະ ວົງດົນຕີ 3 ຫົວໜ່ວຍ.
      ສຳລັບເປົ້າໝາຍໃນການເຂົ້າຮ່ວມງານຢູ່ສູນການຄ້າລາວໄອເຕັກ ປະກອບມີ: ຫົວໜ່ວຍການຜະລິດ-ທຸລະກິດກະສິກຳ-ປ່າໄມ້ 30 ຫົວໜ່ວຍ ໂຮງງານອຸດສາຫະກຳ-ຫັດຖະກຳ 100 ຫົວໜ່ວຍ ບັນດາ ບໍລິສັດ-ລັດວິສາຫະກິດ 100 ຫົວໜ່ວຍ ສິນຄ້າອຸດສາຫະກຳໃຊ້ສອຍທົ່ວໄປຈາກຕ່າງປະເທດ ຈຳນວນ 226 ຫົວໜ່ວຍ ຮ້ານຄ້າຂາຍຍ່ອຍ ແລະ ບໍລິການຕ່າງໆ 264 ຫົວໜ່ວຍ ແລະ ຮ້ານອາຫານ 32 ຫົວໜ່ວຍ ລວມແລ້ວ 2 ສະຖານທີ່ຈະມີ 1.146 ຫົວໜ່ວຍ.
     3.ວຽກງານສິລະປະ-ວັນນະຄະດີ ປະກອບມີ: ສະແດງການຟ້ອນ ຂັບ ລຳ ຈາກສິລະປະສູນກາງ ກອງທັບປະຊາຊົນລາວ ແລະ ປ້ອງກັນຄວາມສະຫງົບແຂວງຫຼວງພະບາງ ວຽງຈັນ ແລະ ແຂວງອື່ນໆຂອງບັນດາເມືອງຕ່າງໆ ໃນ ນວແລະ ວົງດົນຕີ ສຳລັບມວນຊົນມີ 3 ຄະນະ.
     ສຳລັບພິທີເປີດງານເປັນທາງການ ເວລາ 18:00 ໂມງຂອງວັນທີ 28 ຕຸລາ 2009 ທີ່ເດີ່ນທາດຫຼວງ ກຳນົດເວລາຈັດງານຢູ່ເດີ່ນທາດຫຼວງ ເລີ່ມແຕ່ວັນທີ 28/10-2/11/2009 ເປີດໃຫ້ມວນຊົນເຂົ້າທ່ຽວຊົມ ງານໃນເວລາ 10:00 ໂມງ-23:00 ໂມງ ຢູ່ສູນການຄ້າລາວ-ໄອເຕັກ ເລີ່ມແຕ່ວັນທີ 24/10-2/11/2009.
     ຂໍ້ຕົກລົງວ່າດ້ວຍການຈັດງານດັ່ງກ່າວ ປີນີ້ທ່ານເຈົ້າຄອງນະຄອນຫຼວງ ກໍໄດ້ມີຂໍ້ຕົກລົງອອກມາແລ້ວ ມີແຕ່ມອບໃຫ້ຄະນະຮັບຜິດຊອບງານຈັດແບ່ງກັນແຕ່ລະວຽກຕາມຢູ່ໃນຂໍ້ຕົກລົງ ເພື່ອເຮັດແນວໃດໃຫ້ງານ ປະເພນີບຸນພຣະທາດຫຼວງປີນີ້ຮັບປະກັນ ອະນຸຮັກ-ຮັກສາ ສົ່ງເສີມວັດທະນະທຳ ຮີດຄອງປະເພນີ ອັນດີງາມ ແລະ ມູນເຊື້ອຮັກຊາດ ສາມັກຄີເອື້ອເຟື້ອເພື່ອແຜ່ຂອງຊາວລາວ ທີ່ສືບທອດກັນມາແຕ່ບູຮານນະ ການ ຈົນເຖິງສູ່ມື້ນີ້.

ທີ່ມາ ໜັງສືພີມວຽງຈັນໃໝ່
  • ຮັບຂອບໃຈ 8 ຄັ້ງ
  • ສົ່ງຂອບໃຈ 5 ຄັ້ງ
ໂພສ 14-8-2009 21:46:16 | ເບິ່ງໂພສທັງໝົດ
ຂອບໃຈຫລາຍໆ ເດີ້ສຳລັບຂ່າວດີໆ ນະ ທ່ານ
  • ຮັບຂອບໃຈ 0 ຄັ້ງ
  • ສົ່ງຂອບໃຈ 0 ຄັ້ງ
ໂພສ 15-8-2009 01:57:01 | ເບິ່ງໂພສທັງໝົດ
ຈັດຢູ່ທາດຫຼວງຫຼືໄອເຕັກ

ຄະແນນ

ຈຳນວນຜູ່ເຂົ້າຊົມ 1ຄຸນສົມບັດ -10 ຫຍໍ້ ເຫດຜົນ
Defago -10

ເບິ່ງບັນທຶກຄະແນນ

  • ຮັບຂອບໃຈ 1 ຄັ້ງ
  • ສົ່ງຂອບໃຈ 0 ຄັ້ງ
ໂພສ 15-8-2009 05:31:30 | ເບິ່ງໂພສທັງໝົດ
ຈັດຢູ່ທາດຫຼວງຫຼືໄອເຕັກ
baywoo Post at 2009-8-15 01:57


ອ່ານອັນທີ່ເພິ່ນຂຽນຢູ່ຫວາ? ຫລືເມົາຊາແຕ່ຢາກປ້ຳໂພສຫຶ?
ພຶດຕິກຳບໍ່ເປັນຕາສະໜັບສະໜູນເລີຍ
ຂໍອະໄພ! ທ່ານບໍ່ໄດ້ຮັບສິດໃນການດຳເນີນການໃນສ່ວນນີ້ ກະລຸນາ ເຂົ້າສູ່ລະບົບ | ສະຫມັກສະມາຊິກ

ລາຍລະອຽດເງິນ

ບັນຊີດຳ|ໂທລະສັບ|Archiver|Laozaa.com - The Biggest Lao IT Community

GMT+7, 22-10-2014 14:57 , Processed in 0.040600 second(s), 23 queries , Xcache On.

Powered by Discuz! X3.1

© 2001-2013 Comsenz Inc. Design By 1NTER.COM

ຕອບກະທູ້ ຂື້ນໄປດ້ານເທິງ ໄປຫທີ່ນ້າລາຍການກະທູ້