ປະກາດຮັບສະໝັກທີມແປ Firefox ພາສາລາວລຸຸ້ນທຳອິດ

au8ust

ຕອນນີ້ໂຄງການແປ Firefox ໄດ້ຄືບໜ້າໄປຫຼາຍແລ້ວ ຫຼ້າສຸດແມ່ນສາມາດ compile ເປັນ .xpi ທີ່ໃຊ້ໄດ້ກັບທຸກ OS ໄດ້ແລ້ວ ບໍ່ວ່າທ່ານຈະໃຊ້ Firefox ໃນ Windows ໃນ Mac OS X ຫຼືໃນ Linux ເຊັ່ນ Ubuntu, Fedora, etc.. ທ່ານກໍ່ສາມາດນຳໃຊ້ Firefox ພາສາລາວໄດ້ຢ່າງງ່າຍດາຍພຽວລົງ addon ພາສາລາວເພີ່ມເທົ່ານັ້ນ!!



ຮູບດ້ານເທິງ (ສະກົດ ເຄື່ອງ ຜິດ .. ຂໍອະໄພ ຟ້າວໂພດ) ເປັນການທົດສອບແບບໜ້າ About ຂອງ Firefox ເຊິ່ງຫຼັງຈາກແປແລ້ວ ໆ ກໍ່ຈັດການ compile ແລະທົດສອບ ປະກົດວ່າໃຊ້ໄດ້ບໍ່ມີຜິດພາດ (ອັນທີ່ຈິງມີ) ເຊິ່ງກໍ່ສາມາດສະຫຼຸບໄດ້ວ່າ ບັນຫາດ້ານເທັກນິກໃນການແປນັ້ນ ຖືກຈັດການຮຽບຮ້ອຍແລ້ວ

ແລ້ວເຫຼືອບັນຫາຫຍັງ?

ບັນຫາຕອນນີ້ກໍ່ຄື Firefox ເປັນໂປຣແກຣມຂະໜາດໃຫຍ່ພໍສົມຄວນ ຈຶ່ງເຮັດໃຫ້ string ພາສາໃນໂປຣແກຣມມີຫຼາຍ (ປະມານ 200 ກວ່າໄຟລ໌) ຖ້າຈະແປຄົນດຽວກໍ່ຄົງຈະບໍ່ສາມາດແປໃຫ້ແລ້ວໄດ້ ດັ່ງນັ້ນຈຶ່ງສົມຄວນໃຫ້ທຸກ ໆ ທ່ານທີ່ມີຄວາມສົນໃຈ ແລະຢາກຊ່ວຍແປ ຫຼືທົດສອບ Firefox ພາສາລາວ ໄດ້ເຂົ້າມາລົງຊື່ກັນໃນກະທູ້ນີ້ ເພື່ອຊ່ວຍກັນເຮັດໃຫ້ໂຄງການນີ້ແລ້ວສຳເລັດໄປໄດ້ດ້ວຍດີ ສົມດັ່ງພາສິດທີ່ມາແຕ່ເກົ່າກ່ອນວ່າ “ໄມ້ລຳດຽວລ້ອມຮົ້ວບໍ່ໄຂວ່ ໄພ່ບໍ່ພ້ອມແປງບ້ານບໍ່ເຮືອງ” (ຖືກບໍ່ຫັ້ນ -*-)

ຂໍຄວາມກະລຸນາອ່ານຕໍ່ໄປໃຫ້ຈົບ...

ທັກສະສຳລັບຜູ່ທີ່ຕ້ອງການຊ່ວຍແປ:
1. ມີຄວາມຊຳນານໃນພາສາອັງກິດ ແລະພາສາລາວ
2. ສາມາດນຳໃຊ້ຄອມພິວເຕີໄດ້ໃນລະດັບປານກາງຂຶ້ນໄປ
3. ມີຄວາມອົດທົນ ແລະດຸໝັ່ນ
4. ມີຄວາມສົນໃຈໃນການແປ (ໂດຍບໍ່ຫວັງຜົນກຳໄລ ເພາະມັນບໍ່ມີກຳໄລໃຫ້ຫວັງ)

ຖ້າທ່ານມີທັກສະຄົບ 4 ຂໍ້ດ້ານເທິງນີ້ ຂໍເຊີນເຂົ້າຮ່ວມໂຄງການດ່ວນ ໂດຍການລົງຊື່ໃນກະທູ້ນີ້ ພ້ອມລະບຸວ່າ ຂໍເຂົ້າຮ່ວມໂຄງການແປ Firefox ເພື່ອໃນຕຳແໜ່ງ “ນັກແປ”...


ທັກສະສຳລັບຜູ່ທີ່ຕ້ອງການຊ່ວຍກວດສອບການແປ:
1. ມີທັກສະໃນພາສາລາວພໍສົມຄວນ ໃຫ້ຮູ້ວ່າຄຳໃດຂຽນຖືກຫຼືຜິດ
2. ມີເວລາຫວ່າງ
3. ມີຄວາມສົນໃຈໃນໂຄງການ

ຖ້າທ່ານມີທັກສະທັງ 3 ຂໍ້ດ້ານເທິງນີ້ ຂໍເຊີນເຂົ້າຮ່ວມໂຄງການນີ້ ໂດຍການລົງຊື່ໃນກະທູ້ ພ້ອມລະບຸວ່າ ຂໍເຂົ້າຮ່ວມໂຄງການແປ Firefox ພາສາລາວໃນຕຳແໜ່ງ “ຜູ່ຊ່ວຍກວດສອບການແປ”


ຂໍຂອບໃຈ,
ນິນນີ່ ດິ ອໍກັສທ໌

devsmudger

ເອີ້ ແຕ່ວ່າບໍ່ມີຕຳແຫນ່ງ ນັດພັດທະນາແດ່ຫວາ

ຊັ້ນເອົາ ນັກແປ ກໍ່ໄດ້

au8ust

ເອີ .. ທິບ ໄປພັດທະນາ wordbreak ກໍ່ໄດ້ ຍັງວ່າງຢູ່ຕຳແໜ່ງນັ້ນ -_-

devsmudger

ມີຫຍັງກໍ່ບອກມາຈະເຮັດ

birdflu2007.exe

ເຮັດນຳ ມີຫຍັງໃຫ້ເຮັດກໍຈະເຮັດ ແຕ່ກະຂໍເບິ່ງເວລານຳອີກຕື່ມ ວ່າຊິເຕັມທີ່ນຳໄດ້ບໍ່

kongher

Dear Friends,
I hope to join as proofreader. If you have any proofreading works post here

deth_laoteen

ຄັກດີເຮັດເປັນແບບ Add-on ໃສ່ກັບລະບົບປະຕິບັດການໃດກໍ່ໄດ້
ຂໍເຂົ້າຮ່ວມໂຄງການແປ Firefox ເພື່ອໃນຕຳແໜ່ງ “ນັກແປ”

Os555

ມີຫຍັງກໍ່ບອກມາຈະເຮັດ
devsmudger Post at 2009-3-24 13:52

ແມ່ນລະ ທິບ ແກ້ ຕັດຄຳ ແລະ ປົກ ປຍກ ນະໃຫ້ໄດ້

ຂ້າພະເຈົ້າຂໍເປັນສ່ວນຫນື່ງໃນໂຄການນີ້ນຳ

ຂໍເຂົ້າຮ່ວມໂຄງການແປ Firefox ເພື່ອໃນຕຳແໜ່ງ “*”

june0777

ຢາກເຂົ້າຮ່ວມໂຄງການແປ Firefox ນີ້ ເຮັດແນວໃດຢ້ານມີເວລາໃຫ້ບໍ່ຫຼາຍປານໃດ
ແຕ່ກະຢາກສ່ວນຮ່ວມນຳ ຕຳແໜ່ງແປຍັງວ່າງບໍ່

Tui

ທ່ານ ມິດສະໄໝ ຂໍເຂົ້າຮ່ວມໂຄງການແປ Firefox ເພື່ອໃນຕຳແໜ່ງ “ນັກແປ”

pigolo

ເຮົາຂໍ ນັກແປ ເດີ່ ແລະ ເຮົາເຫັນວ່າ ໄທ ກໍ່ມີ ໝາໄຟໄທຄືກັນ ເຮົາໜ້າຈະເອົາຈຸດນີ້ມາລອງປຽບທຽບກັບພາສາຂອງເຮົາລອງເບີ່ງມານກໍ່ອາດຈະບໍ່ເປັນເລື່ອງຢາກພໍເທົ່າໃດ ທຸກທ່ານວ່າບໍ ຫຼື ວ່າແນວໃດ

ezboy

ເຮົາຂໍແປນຳ, “ນັກແປ“ ແລະ ອີກອັນໜຶ່ງ
ຄຳວ່າ “ເວີຊັນ“ ຫັ້ນນະ ເຮົາວ່າບໍ່ຖຶກໄດ໋, ຕາມທີໄດ້ລົມກັບຄົນຕ່າງປະເທດເລີຍໆ ຄືວ່າອອກເປັນ “ເວີນເຊີນ“ ແຕ່ມັນກະເວົ້າຍາກໆຢູ່ອັນສິເຮັດໃຫ້ຂຽນເປັນລາວນີ້, ສ່ວນຫລາຍມັກໄດ້ຍິນສຳນຽງຂອງໄທ ທີ່ມັກອອກສຽງເປັນ “ຊັນ“ ເຊັ່ນ: ຮິດສະເຕຊັນ.... ເປັນຕັ້ນ

au8ust

ດີໃຈທີ່ເຫັນຫຼາຍທ່ານສົນໃຈ ຊາບຊຶ້ງຫຼາຍ ຊາບຊຶ້ງຫຼາຍ Y_Y

jockker

ຂໍເຂົ້ານຳເດີທ່ານ ມີຫຍັງເມວບອກເດີ ໃຫ້ເຮົາເຮັດຫຍັງກະໄດ້ jockker59@hotmail.com
ຂໍສະໝັກໃນຕຳແໜ່ງ ຜູ້ຊ່ວຍແປເດີທ່ານ

xcboy

ເຮົາເອງ ກໍຍັງຮ່ວມມື ເຂົ້າໂຄງການແປຢູ່ ແຕ່ເຮົາບໍ່ມີເວລາ ເນື່ອງຈາກເຮົາກຳລັງຮຽນຢູ່
ອາຍຸກະບໍ່ຍັງເຖິງ15 = =

devsmudger

have alot of geek

sen9y

ມາລໍຄິວສະໝັກນຳ ຈະຂໍແປກໍໄດ້
ຈະແປຕາມທີ່ເວລາອຳນວຍ =)

sadui

ohhh !!!!

vilasak

Vilasak ຂໍເຂົ້າຮ່ວມໂຄງການແປ Firefox ເພື່ອໃນຕຳແໜ່ງ “ນັກແປ”




(ໂຄງການແປ Open Office ຄືເຫັນມິດໄປເລີຍ?)

eak2711

ຂໍສະຫມັກເປັນຜູ້ຊ່ວຍກວດສອບການແປເດີ

ຊ່ວຍເຫລືອຄົນລະໄມ້ຄົນລະມື

Frank

ຂໍເຂົ້າຮ່ວມໂຄງການແປ Firefox ເພື່ອໃນຕຳແໜ່ງ

ຢາກຊ່ວຍ

la_ceds

ກະຍັງມີບ່ອນຫວ່າງໃຫ້ຄົນມີຄວາມຮູ້ໜ້ອຍຢູ່ຫວາ
ຂໍເຂົ້າຮ່ວມໂຄງການແປ Firefox ພາສາລາວໃນຕຳແໜ່ງ “ຜູ່ຊ່ວຍກວດສອບການແປ”
ຢ້ານແປບໍ່ຖືກ ເອົາຕຳແໜ່ງນີ້ຊະຄັນຍັງຫວ່າງໃດ

Billy_DEXD

ດຽວນີ້ແປແລ້ວລະຫວາ ?? ຖ້າຍັງກະຢາກຂໍມີສ່ວນຮ່ວມນຳ ຕອນນີ້ Firefox Ver. 3.5beta4 ມີອອກມາໃຫ້ທົດລອງໃຊ້ແລ້ວເດີ ຂພຈ ກະໃຊ້ຢູ່ຕອນນີ້ ໄວກ່ວາເກົ່າຫຼາຍ ຂະໜາດວ່າໃຊ້ເນັດແບບ Dial Up ໃດ່ນິ ຖ້າ Broadband ຊິໄວຊຳໃດເດ ??!

Sisouvan

ສະໝັກໄດ້ຢູ່ບ່ອນໃດ? ຂັ້ນຕອນມັນມີແນວໃດ? ນອກຈາກ 4 ມາດຖານນັ້ນແລ້ວຕ້ອງມີຫຍັງເພີ່ມເຕີມ? ໃນໂປຮແກຣມໜຶ່ງໆມີຫລາກຫລາຍ ຫົວຂໍ້ແລະມີຈຸດປະສົງທີ່ແຕກຕ່າງກັນ. ເລື່ອງຄວາມຊຳນານ ຫຼື ຄວາມຮອບຮູ້ກ່ຽວກັບພາສາລາວເດ໋ ມີສ່ວນນຳບໍ່? ແມ່ນຢູ່ວ່າເປັນຄົນລາວ ແຕ່ບໍ່ຮູ້ໝົດທຸກໂຕດອກ. ກະດີຫັ້ນແລ້ວ ຄັນມີຫລາຍຄົນມາຊ່ອຍກັນ.
ເຫັນດີ ຄື ວິລະສັກ ວ່າຫັ້ນລະ Open Office ນັ້ນຄືມາມິດໄປແລ້ວ!

@IT

ຊິຂໍຊ່ວຍກວດສອບຖ້າມີເວລາ
---------

au8ust

ອືມ ຮູ້ສຶກວ່າ ບໍ່ຄືບໜ້າເລີຍ ອັນທີ່ຈິງມັນມີສາເຫດ ດຽວໄປປຶກສານຳໂອ້ດກ່ອນ

RAYLAOS

ຮັບຫຍັງນຶ