Show Posts

This section allows you to view all posts made by this member. Note that you can only see posts made in areas you currently have access to.


Topics - Os555

Pages: [1]
1

ສະບາຍດີ ຮອບທີ່ ເທົ່າໃດກະບໍ່ຈື່
ເຖິງແນວໃດກໍຕາມເຮົາມາແນະນຳໂຕກັນແດ່ເດີ້ ໃຜທີ່ເຂົ້າມາແລ້ວ ຕອບກະທູ້ນີ້ແດ່ເດີ້.

ຊື່: Os555 (ລຸງໂອ້ດ)
ສົນໃຈ: Server, Network, Programming
ສິ່ງທີ່ຖນັດ: ຂີ້ໂມ້

2
ຮັບສະຫມັກອາສາສະຫມັກ ມາເປັນທີມງານ ແລະຜູ່ເບິ່ງແຍງຫ້ອງສົນທະນາ

ສະບາຍດີ ສະມາຊິລາວຊ້າ ທັງເກົ່າແລະໃຫມ່

ເນື່ອງຈາກວ່າແອດມິນເອງບໍ່ມີເວລາທີຈະມາອັບເດດແລະເບິ່ງແຍງເວັບບອດຊຸມຊົນແຫ່ງນີ້ປານໃດ

ຈຶ່ງຢາກປະກາດມາຫາບັນດາທ່ານທີ່ສົນໃຈຢາກມີສ່ວນຮ່ວມໃນການສ້າງຊຸມຊົນແຫ່ງນີ້ໃຫ້ເປັນຕາຢູ່ຫລາຍຂຶ້ນ

ເງື່ອນໄຂຜູ່ສະຫມັກແມ່ນມີດັ່ງນີ້:

1 ມີຫົວໃຈຮັກໃນການແບ່ງປັນສູ່ສັງຄົມ
2 ມີເວລາ ທີ່ຈະມາຮ່ວມແລະຕັ້ງກະທູ້ ພ້ອມທັງຕອບກະທູ້ໃຫ້ກັບຜູ່ທີ່ເຂົ້າມາສອບຖາມ
3 ມີຄວາມສົນໃຈ ດ້ານໃດກໍໄດ້ ເພື່ອຈະໄດ້ຮັບການມອບຫມາຍໃຫ້ຮັບຜິດຊອບ ໃນແຕ່ລະຫມວດຕາມທີ່ໂຕເອງຖນັດ
4 ມີອຸດົມການ ອັນແຮງກ້າທີ່ຈະສ້າງສັງຄົມແຫ່ງການແບ່ງປັນຂອງຄົນລາວເຮົາ ກໍຄື ລາວຊ້າ ນີ້ໃຫ້ມີຄວາມກ້າວຫນ້າໄປເລື້ອຍໆ
5 ເຂົ້າມາກວດເບິ່ງແລະຕອບຄຳຖາມໃນເວັບບອດຢ່າງນ້ອຍມື້ລະຄັ້ງ

ສິ່ງທີ່ທ່ານຈະໄດ້ຮັບເປັນການຕອບແທນ:
1 ຕຳແຫນ່ງຜູ່ເບິ່ງແຍງຫມວດ ຫລື ໃນພາສາເວັບບອດເອີ້ນວ່າ Mod
2 ເປັນ ນຶ່ງໃນທີມງານ ລາວຊ້າ ທີ່ຈະມີສ່ວນຮ່ວມໃນການເຄືອນໄຫວເຮັດກິດຈະກຳຕ່າງໆ
3 ໄດ້ເປັນຜູ້ໃຫ້ ແລະ ຜູ່ຮັບຈາກການແລກປ່ຽນ ພ້ອມທັງປະສົບການຈາກສັງຄົມ
4 ໄດ້ ອື່ນໆ ທີ່ເຮົາຈິນຕະນາການບໍ່ໄດ້

ດັ່ງນັ້ນຈຶ່ງຮຽນມາຫາບັນດາທ່ານທີ່ ມີເງື່ອນໄຂ ມາສາດຕອບລົງໃນກະທູ້ນີ້ ເປັນການສະຫມັກ ດັ່ງນີ້

ຊື່: Os555
ຖະນັດ: ຄວາມປອດໄພໃນລະບົບຄອມພິວເຕີ
ຂໍເບິ່ງແຍງຫ້ອງ: Hack, Crack, Network

3

ຄວາມແຕກຕ່າງລະວ່າງ Analog ກັບ Digital
   Analog ແລະ Digital ເປັນຫຍັງທີ່ຄຽງຄູ່ກັນມາດົນແລ້ວ ຕັ້ງແຕ່ສະໄຫມມີ computer ລຸ້ນທຳອິດ ເຊິງຫລາຍຄົນອາດຈະຍັງຈຳແນກອອກບໍ່ໄດ້ວ່າ analog ແມ່ນແນວໃດ ແລະ digital ແມ່ນແນວໃດ. ບົດຄວາມນີ້ແມ່ນໄດ້ຮວບຮວມເອົາຄວາມຫມາຍພື້ນຖານຫລັກໆຂອງຄຳວ່າ Analog ແລະ Digital ເຊິ່ງອາດຈະມີຈຸດຜິດພາດ ຫລື ມີຂໍ້ບົກພ່ອງເປັນທຳມະດາ... ເອົາເປັນວ່າເຮົາມາເບິ່ງກັນເລີຍ.


Analog ( ອານາລ໊ອກ )



   Analog ຫມາຍເຖິງ ສັນຍານໃນຮູບແບບຂອງຄື້ນທີ່ມີຄວາມຕໍ່ເນື່ອງກັນຂຶ້ນ-ລົງ ຕາມຄວາມແຮງ-ເບົາ, ມືດ-ແຈ້ງ ມີຄ່າຄວາມສູງຕ່ຳຂອງສັນຍານ ເຟສ ( Phase ) ແລະຄ່າຄວາມຖີ່ ໂດຍຈະແທນຄວາມຫມາຍຂອງຂໍ້ມູນທີ່ຕ້ອງການ. ເວົ້າງ່າຍໆ ຫາກທຽບໃສ່ກັບດອກໄຟດອກຫນຶ່ງ ຖ້າຫາກເຮົາພ່ອນໄຟລົງມັນກໍ່ຈະຄ່ອຍໆມືດລົງແລ້ວກໍ່ດັບ ແຕ່ຖ້າເຮົາແລ້ວຄ່ອຍໆ ເພີ່ມໄຟຂຶ້ນ ມັນກໍ່ຈະແຈ້ງຂຶ້ນເລື້ອຍໆ ແລະມັນຈະເປັນແນວນັ້ນໄປຕະຫລອດຕາມຈັງວະການພ່ອນແລະການເພີ່ມຂອງເຮົາ ເຊິ່ງເຮົາສາມາດຖຽບໄດ້ກັບ Analog.

ພາບສະແດງສັນຍານຂອງລະບົບແບບ Analog



    ຈະວ່າໄປແລ້ວ ເມື່ອ 40 - 50 ປີກ່ອນແມ່ນຍຸກຂອງລະບົບຄື້ນສຽງແບບ Analog ເພາະສາມາດອັດລົງໄວ້ໃນແຜ່ນສຽງ ຈົນມາຮອດຊ່ວງທີ່ມີກະແຊ໋ດເທັບເຂົ້າມາເຮັດໃຫ້ຄວາມນິຍົມແບບແຜ່ນສຽງຕົກລຸ້ນໄປ. ວິທະຍຸ AM. MONO ຄືລະບົບກະຈາຍສຽງແບບຕົ້ນໆທີ່ໄດ້ຈາກຄື້ນສຽງ Analog ຈົນມາຮອດປະຈຸບັນບັນດາ ວິທະຍຸທີ່ໃຊ້ໄຟຟ້າ ຫລື ວິທະຍຸ Transistor ທີ່ໃຊ້ຖ່ານໄຟສາຍກໍຍັງມີການນຳໃຊ້ລະບົບຄື້ນສຽງແບບ Analog ເປັນສ່ວນໃຫຍ່.

ແຜ່ນສຽງທີ່ເປັນຮູບແບບຂອງຄື້ນແມ່ນໃຊ້ລະບົບແບບ analog









Digital ( ດິຈິຕ້ອລ໌ )




   Digital ຄົງຈະຕ້ອງເລີ້ມຕົ້ນດ້ວຍຄຳໂບລານຈາກເຄົ້າພາສາ ລາແຕ໋ງ ເພາະ " digit " ແປວ່າ " ນິ້ວ " ອັນສືບເນື່ອງມາຈາກຍຸກໂຣມັນ ຜູ້ຄິດຄຳນວນເລກດ້ວຍວິທີການນັບນິ້ວ ແລະເນື່ອງຈາກນິ້ວມືເຮົາມີພຽງ 10 ນິ້ວ ການນັບຈຶ່ງເອີ້ນວ່າ ເລກຖານ 10 ນັ້ນຄື 1 2 3 4 5 6 7 8 9 0. ເມື່ອຮອດ 0 ແລ້ວຈະນັບຕໍ່ກໍຕ້ອງເອົາເລກມາຮຽງກັນຕໍ່ຈະໄດ້ 10 11 12.

ພາບສະແດງສັນຍານຂອງລະບົບແບບ Digital


    Digital ຫມາຍເຖິງສັນຍານທີ່ບໍ່ຕໍ່ເນື່ອງ ມີຄ່າຄວາມສູງຕ່ຳພຽງ 2 ລະດັບ ໂດຍຈັງວະຂອງຄວາມຄວາມສູງຕ່ຳຂອງສັນຍານຈະແທນຄວາມຫມາຍຂອງຂໍ້ມູນທີ່ສົ່ງໄປ ເພື່ອທີ່ຈະໃຫ້ເຂົ້າໃຈຖືງຄວາມແຕກຕ່າງ ເຮົາສາມາດລອງໂດຍການກຳນົດຈັງວະ ເປີດ-ປິດໄຟ ( ຄືກັບລະຫັດ ມອສ ) ເຮົາຈະເຫັນວ່າຄວາມສະວ່າງຈະມີພຽງ 2 ລະດັບຄື ແຈ້ງກັບບໍ່ແຈ້ງ ແລະ ບໍ່ມີຄວາມຕໍ່ເນື່ອງກັນ ເຊິງເຮົາສາມາດແທນຕົວອັນສອນ ຖານ 2 ລົງໄປຄື ແຈ້ງ=1 ແລະ ມືດ=0. ສະນັ້ນ ດ້ວຍສັນຍານແບບ Digital ຈະເຮັດໃຫ້ສັນຍານບໍ່ຜິດພ້ຽນໃນການເຂົ້າລະຫັດຂໍ້ມູນ ເພາະມີແຕ່ 0 ກັບ 1 ຫລື ເປີດ ກັບ ປິດ ຫລືອາດຈະເວົ້າວ່າ ຖືກ ກັບ ຜິດ ກໍໄດ້.
ເຮົາຈືງສາມາດນຳເອົາສັນຍານທັງຫມົດມາກຳນົດໃຫ້ເປັນລະຫັດແທນຄ່າໄດ້



     ແຕ່ຖ້າເຮົາເອົາເລກ 0 ກັບ 1 ຫລາຍໆໂຕມາລຽງກັນເປັນແຖວກໍຈະສາມາດເອົາມາແທນທີ່ເປັນຕົວອັກສອນໄດ້ ຢ່າງທຸກມື້ນີ້ເຮົາໃຊ້ລະຫັດທີ່ເອີ້ນວ່າ  ASCII ( American Standard Code For Information Interchange ). ໂດຍໃນລະຫັດ ASCII ນັ້ນເວລາທີເຮົາພິມ Keyboard ເຖິງຄອມພິວເຕີ້ເປັນ a , b ກໍຈະອອກມາເປັນລະຫັດ 0 ກັບ 1 ຈຳນວນ 8 ຫລັກດ້ວຍກັນ ຫລືເອີ້ນວ່າ 8bit.
     ອີກເຫດຜົນຫນຶ່ງທີ່ Digital ມັນດີກວ່າ Analog ກໍຍ້ອນວ່າ ແຕ່ກ່ອນ ຖ້າເຮົາອັດເທັບແມ່ນເຮົາໃຊ້ Analog ອັດ Analog ພໍເວລາຜ່ານໄປດົນໆ ສັນຍານກໍຈະພ້ຽນ ເພາະເມື່ອສັນສານທີ່ເຄີຍມີຄວາມຕ້ານທານຈາກຄື້ນທີ່ແລ່ນເປັນເສັ້ນໂຄ້ງໆ ງາມໆ ພໍເຮົາເອົາມາແລ່ນໄປແລ່ນມາຫລາຍໆຄັ້ງ ຈະເຮັດໃຫ້ຄື້ນນັ້ນມີອາການຜິດພ້ຽນໄປ ຈາກເສັ້ນກົງງາມໆກໍຈະກາຍເປັນເສັ້ນມະຍຸກມະຍິກ... ຕ່າງຈາກລະບົບແບບ Digital ທີ່ຈະມີການປ່ຽນແປງຂອງສັນຍານພຽງ 0 ກັບ 1 ເທົ່ານັ້ນ ເຮັດໃຫ້ເຖິງຈະຜ່ານການນຳໃຊ້ຈັກເທື່ອສັນຍານ 1 ກະຍັງເປັນ 1 ແລະ 0 ກໍຍັງເປັນ 0 ຢູ່ຄືເກົ່າ.




ໂກໂກ້ - Co2
ເພີ່ມເຕີມໄດ້ທີ່:

    http://en.wikipedia.org/wiki/Binary_numeral_system

4
ກະລຸນາອ່ານກ່ອນ Zaa! (ກົດໃນການໃຊ້ webboard)
ອ່ານກ່ອນທີ່ຈະ Zaa!

ສະບາຍດີ ທ່ານຊາຍສຸດລໍ່ ແລະ ທ່ານຍິງສູດງາມ
ຂໍຕ້ອນຮັບສູ່ Laozaa.com ເດີ້ ^^

ກະລຸນາອ່ານກົດໃນການນຳໃຊ້ webboard ຂອງເຮົານີ້ກ່ອນທີ່ຈະໂພສ໌ເດີ້:
1./ ຫ້າມໂພສ໌ ສິ່ງທີ່ມີເນື້ອໃນ ຫລົບລູ່, ດູຖູກ, ມິ່ນປະມາດ, ສິ່ງທີ່ຜິດກົດໝາຍ ແລະ ສິ່ງລາມົກອານາຈານໃດໆ ຢ່າງເດັດຂາດໃນບອດຂອງພວກເຮົາ.

1.5/ ຫ້າມໂພສ໌ຮູບ,ວິດີໂອ ຫລື ໃສ່ຮູບສ່ວນຕົວ(avatar) ທີ່ສະແດງເຖິງການບໍ່ໃຫ້ກຽດຜູ່ອື່ນ ກໍ່ຄືເວັບບອດ ສະນັ້ນຈຶ່ງຫ້າມເຮັດແບບນີ້ໂດຍເດັດຂາດ.

2./ ແຂກຜູ້ມີກຽດ ທີ່ຍັງບໍ່ໄດ້ສະຫມັກສະມາຊິກຈະບໍ່ສາມາດ ສ້າງ ແລະ/ຫຼື ຕອບ ກະທູ້ໄດ.

3./ ສຳຫລັບການເວົ້າຈາໂອ້ລົມສົນທະນາ ກໍ່ຂໍໃຫ້ຢູ່ໃນຂອບເຂດທີ່ເໝາະສົມ ເຊັ່ນ:

ຫລີກເວັ້ນການໃຊ້ຄຳເວົ້າທີ່ຫຍາບຄາຍ ແລະບໍ່ສຸພາບ ເພາະໃນນີ້ແມ່ນອີກສັງຄົມຫນຶ່ງແລ້ວ ແລະໃນພາຍພາກຫນ້າເວບເຮົາກໍ່ຈະມີ ຜູ້ຄົນເຂົ້າມາອີກຫລາຍໆ ສະນັ້ນ ການເວົ້າຈາໂດຍໃຊ້ຄຳຫຍາບຄາຍ ແລະຄຳທີ່ບໍ່ສຸພາບນັ້ນ ຂ້າພະເຈົ້າວ່າເປັນສິ່ງທີ່ບໍ່ເຫມາະສົມປານໃດ (ເອົາເກັບໄວ້ລົມກັນສ່ວນຕົວກໍ່ໄດ້ ເຮົາມີລະບົບຂໍ້ຄວາມສ່ວນຕົວ).

4./ ບໍ່ຄວນພະຍາຍາມທີ່ຈະ ປັ້ມ, ປັ່ນ, ຂຸດ ກະທູ້ ຫລືວ່າເວົ້າໃນສິ່ງທີ່ອອກນອກເລື່ອງຂອງກະທູ້ທີ່ຕັ້ງມາ ເພາະມັນເຮັດໃຫ້ກະທູ້ນັ້ນໆ ກາຍເປັນກະທູ້ທີ່ບໍ່ມີສາລະ.

5./ ຫ້າມກະທຳການອັນເປັນການສະແດງອອກເຖິງຄວາມຫມິ່ນປະມາດ ຫຼືກ່າວສິ່ງໃດ ໆ ທີ່ສົ່ງຜົນສະທ້ອນໃນທາງລົບຕໍ່ຊາດບ້ານເມືອງ, ພັກ-ລັດ ແລະວັດທະນະທຳອັນດີງາມຂອງປະເທດລາວໂດຍເດັດຂາດ.

6./ ການຕັ້ງກະທູ້ຖາມບັນຫາ ຫຼື ຂໍໂປຣແກຣມໃດໆນັ້ນ ຂໍໃຫ້ຕັ້ງຫົວຂໍ້ມາໃຫ້ຖືກຕາມຈຸດປະສົງ, ເພື່ອຈະໄດ້ສະດວກເວລາທີ່ມາຊອກຄືນພາຍຫຼັງ, ສະດວກຜູ້ຕອບ ພ້ອມທັງສະດວກຜູ້ຖາມເອງ.
ໂດຍສະເພາະກະທູ້ຂໍໂປຣແກຣມ, ຂໍຄວາມຊ່ວຍເຫຼືອແກ້ໄຂບັນຫາຄອມ ແລະ ຂໍ ebooks ...ຯລຯ
ໂດຍຫ້າມເດັດຂາດບໍ່ໃຫ້ຕັ້ງຊື່ກະທູ້ແບບມັກງ່າຍ ເຊັ່ນ: ຊ່ວຍແດ່!, Help Me!!!, ຂໍແນ່ພີ່ນ້ອງ, ຫາໃຫ້ແນ່, ຈະເຮັດແນວໃດ... ຯລຯ ເລົ່ານີ້ເປັນຕົ້ນ. ຜູ້ທີ່ເຮັດຜີດກົດຂໍ້ນີ້ 3 ຄັ້ງຈະແບນ 5 ມື້, ຖ້າຍັງສືບຕໍ່ຈະແບນຖາວອນ

7./ ກະລຸນາຕັ້ງກະທູ້ໃຫ້ຖືກຫ້ອງ ກະທູ້ທີ່ຕັ້ງຜິດຫ້ອງຈະຖືກລຶບຖິ້ມທັນທີໂດຍບໍ່ມີການເຕືອນໃດໆ.

8./ ການໂພສກະທູ້ຊ້ຳກັບທີ່ມີມາ ຖືເປັນຄວາມຜິດຊອບຂອງຜູ້ໂພສ, ດັ່ງນັ້ນກ່ອນຈະໂພສກະທູ້ທີ່ຄິດວ່າມີເນື້ອຫາເກົ່າແລ້ວນັ້ນ
(ໂດຍສະເພາະເທັກນິກຕ່າງໆ) ຄວນໃຊ້ ລະບົບຄົ້ນຫາ ຂອງເວັບບອດເຮົາກວດສອບເບິ່ງກ່ອນ ວ່າມີສິ່ງທີ່ທ່ານຈະໂພສນີ້ແລ້ວຫລືຍັງ.

9./ ລາຍເຊັນ (Signature) ຂອງທຸກ user ຫ້າມຫນັກເກີນ 150 KB, ແລະຂະຫນາດລວມກັນບໍ່ເກີນ 800x400 px.

10./ ຖ້າທ່ານເຮັດຜິດກົດຂໍ້ໃດຕາມທີ່ກ່າວມາ ທີມງານລາວຊ້າຂໍຖືສິດໃນການຕັດສິດ user ຂອງທ່ານ, ໂດຍທີ່ໂທດໜັກ/ເບົາ ແມ່ນທາງທີມງານຈະຜິດຈາລະນາກັນເດີ້.


ຶ້By: Defago

Pages: [1]