Recent Posts

Pages: 1 ... 8 9 [10]
91
4 ພຶດຕິກຳໃນຕອນເຊົ້າທີ່ເຮັດໃຫ້ທ່ານນ້ຳໜັກເພີ່ມຂຶ້ນ

     ມັນມີຫຼາຍສາເຫດທີ່ເຮັດໃຫ້ນ້ຳໜັກຂຶ້ນ ຫຼາຍຄົນອາດຈະບໍ່ຮູ້ວ່າບາງພຶດຕິກຳໃນຕອນເຊົ້າກໍ່ສາມາດເຮັດໃຫ້ນ້ຳໜັກຂຶ້ນໄດ້ເຊັ່ນດຽວກັນ ເຊິ່ງໃນຄໍລຳ ສາລະໜ້າຮູ້ມື້ນີ້ ແອັດມິນມີ 4 ພຶດຕິກຳໃນຕອນເຊົ້າທີ່ເຮັດໃຫ້ທ່ານນ້ຳໜັກເພີ່ມຂຶ້ນມາຝາກ ເຊິ່ງຈະມີແນວໃດແນ່ນັ້ນເຮົາມາອ່ານໄປພ້ອມກັນເລີຍ

1. ນອນເກີນເວລາ ຈະສັງເກດໄດ້ວ່າຄົນທີ່ນອນ 10 ຊົ່ວໂມງຂຶ້ນໄປແມ່ນຈະຕຸ້ຍງ່າຍກວ່າຄົນນອນຕາມເວລາປົກກຕິຄືມື້ໜຶ່ງບໍ່ກາຍ 7-9 ຊົ່ວໂມງ
2. ຕອນເຊົ້ານອນຕື່ນສວາຍບໍ່ໄດ້ສຳພັດແສງແດດຍາມເຊົ້າ ຢ່າງໜ້ອຍຄົນເຮົາຕ້ອງໄດ້ສຳພັດແສງແດດຍາມເຊົ້າ 20-30 ນາທີກໍ່ຍັງດີ
3. ຄົນທີ່ບໍ່ມັກອອກຳລັງກາຍໃນຕອນເຊົ້າ
4. ຄົນທີ່ບໍ່ກິນອາຫານເຊົ້າແຕ່ໄປເນັ້ນກິນອາຫານສວາຍ ແລະ ອາຫານຄ່ຳໃນປະລິມານຫຼາຍ
92
ຂໍ້ເສຍຂອງຜົມບໍ່ແຫ້ງດີແລ້ວເຂົ້ານອນ

ຄົນໃດທີ່ມັກສະຜົມຕອນກາງຄືນ ຜົມບໍ່ແຫ້ງດີແລ້ວເຂົ້ານອນ ຄວນອ່ານດ່ວນໆ ເພາະມັນອາດສົ່ງຜົນກະທົບບໍ່ດີຕໍ່ຮ່າງກາຍ ເຊິ່ງຈະມີແນວໃດນັ້ນເຮົາມາຮູ້ຈັກໄປພ້ອມກັນເລີຍ

1. ຈະມີອາການປວດຫົວ ຫຼື ເປັນຫວັດໄດ້
    ນອນໃນເວລາຜົມປຽກອາດຈະເຮັດໃຫ້ເຮົາຮູ້ສຶກປວດຫົວໃນເວລາຕື່ນຂຶ້ນມາ ຫຼື ອາດເຖິງຂັ້ນເປັນຫວັດໄດ້ ເນື່ອງຈາກວ່າ ເວລາທີ່ເຮົານອນຫຼັບອຸນຫະພູມໃນຮ່າງກາຍຂອງເຮົາຈະສູງຂຶ້ນ ເມື່ອກະທົບກັບຄວາມຊຸ່ມ ແລະ ຄວາມເຢັນຈາກໜັງຫົວຈະເຮັດໃຫ້ເສັ້ນເລືອດຫົດຕົວ ແລະ ເຮັດໃຫ້ອຸນຫະພູມຕ້ານທານຫຼຸດລົງ ເຮົາຈະຮູ້ສຶກປວດຫົວເນື່ອງຈາກອຸນນະພູມທີ່ແຕກຕ່າງກັນນັ້ນເອງ

2. ເຮັດໃຫ້ຜົມເສຍຫຼົ່ນງ່າຍ
    ຊ່ວງເວລາທີ່ຜົມຍັງປຽກນັ້ນເປັນເວລາທີ່ຮາກຜົມອ່ອນແອຫຼາຍທີ່ສຸດ ເວລານອນຫົວເຮົາຈະທັບເສັ້ນຜົມດັ່ງນັ້ນຈິ່ງເຮັດໃຫ້ຮາກຜົມຫຼຸດອອກໄດ້ງ່າຍ

3. ເຮັດໃຫ້ຜົມພັນກັນງ່າຍ
    ຜົມບໍ່ແຫ້ງດີເວລານອນຜົມຈະມັກເກາະກັນເມື່ອເວລາຕື່ນນອນມາຜົມເຮົາກໍ່ຈະຫຍຸ້ງພັນກັນ

4. ເກີດມີລັງແຄ ແລະ ມັກຄັນຫົວ
    ການເຂົ້ານອນໃນເລລາທີ່ຜົມຍັງຊຸ່ມຢູ່ນັ້ນຈະເຮັດໃຫ້ໝອນປຽກລະເກີດເຊື້ອແບດທີເຣຍ ແລະ ຍັງສົ່ງຜົນໃຫ້ໜັງຫົວຂອງເຮົາມີເກີດເຊື້ອຣາ ຫຼື ຣັງແຄໄດ້ງ່າຍ ທັງຍັງຄັນພ້ອມ
93
ເລື່ອງລັບໆຂອງໜ້າເອິກແມ່ຍິງ

                ໜ້າເອິກເປັນສິ່ງທີ່ສາວໆທຸກຄົນໃຫ້ຄວາມສຳຄັນເພາະມັນເປັນສ່ວນໜຶ່ງຂອງຮ່າງກາຍທີ່ເສີມສ້າງສະເໜ່ໃຫ້ກັບແມ່ຍິງແຕ່ແມ່ຍິງສ່ວນຫຼາຍກໍ່ບໍ່ຮູ້ວ່າຄວາມຈິງແລ້ວໜ້າເອິກມັນຍັງມີເລື່ອງລັບໆເຊື່ອງໄວ້ ແລະ ມື້ນີ້ຄໍລຳສາລະໜ້າຮູ້ ແອັດມິນຈິ່ງມີຄຳຕອບກ່ຽວກັບເລື່ອງນີ້ມາຝາກກັນ ເຊິ່ງຈະມີຫຍັງແນ່ນັ້ນເຮົາມາອ່ານໄປພ້ອມກັນເລີຍ

1. ລັດສະນະຫົວນົມຈະມີ 4 ແບບ
    ແມ່ຍິງຫຼາຍຄົນອາດບໍ່ເຄີຍຮູ້ວ່າຄວາມຈິງແລ້ວຫົວນົມມີເຖິງ 4 ແບບ ໄດ້ແກ່:
-. ແບບທຳມະດາຄືຫົວນົມດູນອອກມາຈາກລານນົມແບບປົກກະຕິ.
-. ແບບແປ ຄືຫົວນົມພຽງກັບນົມເລີຍ.
-. ແບບຫົວນົມຕັ້ງຄືທັງຫົວນົມ ແລະ ລານນົມຈະຕັ້ງຂຶ້ນມາພ້ອມກັນເລີຍ.
-. ແບບລຸບໃນ ຄືຫົວນົມລຸບເຂົ້າໄປໃນລານນົມ
2. ກ່ອນເນື້ອໃນໜ້າເອິກອາດເປັນເນື້ອດີ ຫຼື ເນື້ອຮ້າຍ
3. ນົມອາດມີຂອງເຫລວໄຫລອອກມາເຖິງແມ່ນວ່າຈະບໍ່ຢູ່ຊ່ວງມີນ້ຳນົມກໍ່ຕາມ
4. ການນວດນົມແມ່ນຊ່ວຍກະຕຸ້ນຮໍໂມນເພດໄດ້
5. ແມ່ຍິງສ່ວນຫຼາຍຈະມີໜ້າເອິກບໍ່ເທົ່າກັນ
6. ຂະໜາດໜ້າເອິກຈະຂຶ້ນກັບນ້ຳໜັກ ແລະ ກຳມະພັນ

ນີ້ຄືເລື່ອງລັບຂອງໜ້າເອິກ ບາງຂໍ້ພວກທ່ານອາດຈະຮູ້ແລ້ວບາງຂໍ້ພວກທ່ານອາດຈະບໍ່ຮູ້ຈັກເທື່ອ
94

ຫາກທ່ານສັງເກດທີ່ ຄີບອຣ໌ດ ຂອງທ່ານ ທ່ານກໍຈະເຫັນ F1 ເຖິງ F12 ແລະ
ເຊື່ອວ່າຫລາຍທ່ານບໍ່ຄ່ອຍໄດ້ໃຊ້ວຽກມັນພໍເທົ່າໃດ ຫຼື ບາງທ່ານອາດບໍ່ຮູ້ຈັກມັນ
ເລີຍກໍມີ. ສະນັ້ນ, ໃນມື້ນີ້ ເຮົາມາຊອກຮູ້ນໍາກັນວ່າ ຄີຟັງຊັນ ທີ່ກ່າວເຖິງນີ້
ມັນຊ່ອຍຫຍັງເຮົາແດ່ (ສໍາລັບທ່ານທີ່ຮູ້ແລ້ວກໍບໍ່ຈໍາເປັນອ່ານເນາະ).

….ຄີ ທີ່ກ່າວມານັ້ນ ສ່ວນໃຫຍ່ເພິ່ນເອີ້ນວ່າ “ຟັງຊັນຄີ” F1 ເຖິງ F12
ມັນອາດມີຄວາມຫລາກຫລາຍໃນການໃຊ້ວຽກທີ່ແຕກຕ່າງກັນ ຂຶ້ນກັບລະບົບ
ປະຕິບັດການທີ່ຕິດຕັ້ງ ແລະ ໂປຣແກຣມຊອຟຕ໌ແວຣ໌ ທີ່ເປີດຢູ່ ຊຶ່ງຈະປ່ຽນ
ວິທີການຂອງແຕ່ລະຄີເຫລົ່ານີ້.

.ພ້ອມກັນນີ້ ຍັງໂຮມທັງ ການໃຊ້ງານ “ຟັງຊັນຄີ” ຮ່ວມກັບຄີ ALT ຫຼື
CTRL ເຊັ່ນຜູ້ນໍາໃຊ້ Microsoft Windows ສາມາດເນັ່ນຄີ ALT + F4
ເພື່ອມອດໂປຣມແກຣມທີ່ພວມໃຊ້ວຽກຢູ່.

….ທາງລຸ່ມນີ້ ເປັນ ລາຍການບາງສ່ວນຂອງການເຮັດວຽກຂອງ ຄີຟັງຊັນ
ໃນຄອມພິວເຕີທີ່ໃຊ້ Microsoft Windows ແຕ່ຈະບໍ່ແມ່ນທຸກໂປຣແກຣມ
ທີ່ຈະສະໜັບສະໜູນ ຟັງຊັນຄີ.

F1

ມັກຈະໃຊ້ເປັນຄີຊ່ອຍທຸກໂປຣແກຣມ ຈະເປີດໜ້າຈໍປ້ອນການຕັ້ງຄ່າ CMOS

Windows Key + F1 ຈະເປີດໂຕຊ່ອຍຂອງ Microsoft Windows
ເປີດບານໜ້າຕ່າງງານ.


F2

ໃນ Windows ຈະໃຊ້ໃນການປ່ຽນຊື່ ໄອຄອນ ຫຼື ໄຟລ໌

Alt + Ctrl + F2 ເປີດເອກະສານໃໝ່ໃນໂປຣແກຣມ Microsoft Word

Ctrl + F2 ຈະສະແດງໜ້າຕ່າງໂຕຢ່າງກ່ອນພິມໃນ Microsoft Word

ເຂົ້າສູ່ການປ້ອນການຕັ້ງຄ່າ CMOS ຫຼື Bios


F3

ເປີດຄຸນລັກສະນະການຄົ້ນຫາໃນຫລາຍໆໂປຣແກຣມ ໂຮມທັງ Microsoft
Windows

ໃນ MS-DOS ຫຼື Windows ຂອງແຖວຄໍາສັ່ງ F3 ຈະເຮັດຊໍ້າຄໍາສັ່ງສຸດທ້າຍ

Shift + F3 ຈະມີການປ່ຽນແປງຂໍ້ຄວາມໃນ Microsoft Word


F4

ເປີດພົບໜ້າຕ່າງ

ເຮັດຊໍ້າການກະທໍາຫລ້າສຸດ (Word 2000 ຂຶ້ນໄປ)

Alt + F4 ຈະມອດໂປຣແກຣມທີ່ໃຊ້ວຽກຢູ່ໃນ Microsoft Windows

Ctrl + F4 ຈະມອດໜ້າຕ່າງທີ່ເປີດຢູ່ໃນໜ້າຕ່າງທີ່ໃຊ້ວຽກໃນປັດຈຸບັນ
ໃນ Microsoft Windows


F5

ໃນທຸກ ບຣາວເຊີອິນເຕີເນັດ F5 ຈະ ຣີເຟຣັດຊ໌ ຫຼື ໂຫລດໜ້າເວ໊ບຫຼື
ໜ້າຕ່າງເອກະສານ

ເປີດໜ້າຄົ້ນຫາ ແທນທີ່ ແລະໄປທີ່ໜ້າຕ່າງໃນ Microsoft Word

ເລີ່ມ ສະໄລດ໌ໂຊວ໌ ໃນ PowerPoint


F6

ຍ້າຍ ເຄີເຊີ ໄປທີ່ Address bar ໃນ Internet Explorer ແລະ
Mozilla Firefox

Ctrl + Shift + F6 ເປີດໄປຍັງເອກະສານອື່ນໆໃນ Microsoft Word


F7

ປົກກະຕິຈະໃຊ້ເພື່ອກວດສອບການສະກົດ ແລະ ໄວຍາກອນ ກວດສອບ
ເອກະສານໃນໂປຣແກຣມ Microsoft ເຊັ່ນ Microsoft Word,
Outlook ແລະ ອື່ນໆ

Shift + F7 ເຮັດວຽກກວດສອບໃນຄໍາທີ່ ໄຮໄລຕ໌

ປີດການໃຊ້ວຽກເລື່ອນໜ້າຕ່າງດ້ວຍ ດູມລູກສອນເທິງຄີບອຣ໌ດໃນ
Mozilla Firefox


F8

ກະດານຟັງຊັນທີ່ໃຊ້ໃນການເຂົ້າສູ່ ເມນູເລີ່ມຕົ້ນ Windows, ນິຍົມໃຊ້
ສໍາລັບເຂົ້າໄປເຖິງ Windows ແບບ Safe Mode


F9

ເປີດແຖບເຄື່ອງມືວັດແທກ ໃນ Quark 5.0

F10

ໃນ Microsoft Windows ເປີດໃຊ້ວຽກແຖບເມນູຂອງໂປຣແກຣມທີ່ເປີດຢູ່

Shift + F10 ເປັນເຊັ່ນດຽວກັບການຄລິກຂວາເທິງໄອຄອນທີ່ໄຮໄລຕ໌ໄຟລ໌
ຫຼື ການເຊື່ອມຕໍ່ອິນເຕີເນັດ

ການເຂົ້າເຖິງ ການກູ້ຄືນ ພາຣ໌ທີຊັນ ທີ່ເຊື່ອງຢູ່ຂອງ HP ແລະ Sony
ຄອມພິວເຕີ

ປ້ອນການຕັ້ງຄ່າ CMOS


F11

ໂມດເຕັມໜ້າຈໍໃນ ບຣາວເຊີອິນເຕີເນັດ

CTRL + F11 ການເຂົ້າເຖິງ ການກູ້ຄືນ ພາຣ໌ທີຊັນ ທີ່ເຊື່ອງຢູ່ໃນ
ຄອມພິວເຕີຂອງ Dell

ການເຂົ້າເຖິງ ການກູ້ຄືນ ພາຣ໌ທີຊັນ ທີ່ເຊື່ອງຢູ່ເທິງ eMachines, Gateway,
ແລະ ຄອມພິວເຕີ Lenovo


F12

ເປີດໜ້າທີ່ໄດ້ທໍາການບັນທຶກໃນ Microsoft Word

SHIFT + F12 ບັນທຶກເອກະສານ Microsoft Word

Ctrl + Shift + F12 ພິມເອກະສານໃນ Microsoft Word




by: ນໍ້າຫວານ, vtetoday.la
95
ອາການສະມັກ ມັກເກີດຈາກອາຫານ ຫຼື ສິ່ງໃດນຶ່ງຫຼົງເຂົ້າໄປໃນຫຼອດລົມ ຫຼື ທາງເດີນຫາຍໃຈ ເຮັດໃຫ້ຜູ້ສະມັກບໍ່ສາມາດເວົ້າ ໄອ ຫຼື ຫາຍໃຈໄດ້ ເຊິ່ງຫາກຊ່ອຍເຫຼືອບໍ່ທັນອາດເປັນອັນຕະລາຍເຖິງຊີວິດໄດ້ ໂດຍສະເພາະໃນກຸ່ມຜູ້ອາຍຸສູງ.

…….ວັນນີ້ ຄໍລໍາ ສູຂະພາບ ແລະ ຄວາມງາມ ໄດ້ນໍາເອົາບົດຄວາມຂອງຕ່າງປະເທດມາເລົ່າສູ່ກັນຟັງ ເພື່ອໃຫ້ຮູ້ເຖິງວິທີປະຕິບັດ ແລະ ວິທີຮັບມືເມື່ອມີຄົນໃນຄອບຄົວເກີດອາການສະມັກ ເພື່ອຫຼຸດຜ່ອນຄວາມສ່ຽງທີ່ອາດຈະເກີດຂຶ້ນຈົນເຖິງຂັ້ນຮຸນແຮງ.

ຄວາມຮຸນແຮງ ຫຼື ອັນຕະລາຍຂອງການສະມັກ ມີດັ່ງນີ້:

- ຕໍາແໜ່ງທີ່ເກີດການອັດຕັນໃນເວລາສະມັກເຊັ່ນເກີດການອັດຕັນເໜືອບໍລິເວນສາຍສຽງ ສິ່ງທີ່ອັດຕັນກໍຈະຫຼຸດອອກໄດ້ງ່າຍກວ່າບໍລິເວນທີ່ຕໍ່າກວ່າ
- ຫາກຂະໜາດຂອງສິ່ງທີ່ໄປອັດຕັນມີຂະໜາດໃຫຽ່ຫຼາຍກໍຈະຫຼຸດອອກໄດ້ຍາກ
- ຖ້າເປັຮການອັດຕັນພຽງບາງສ່ວນ ສິ່ງທີ່ເຂົ້າໄປອັດກໍຈະຫຼຸດອອກມາໄດ້ງ່າຍກວ່າ
- ໄລຍະເວລາທີ່ມີການອັດຕັນ ຫາກດົນເກີນໄປກໍຈະເປັນອັນຕະລາຍຫຼາຍ ເນື່ອງຈາກສິ່ງອັດຕັນຈະເຮັດໃຫ້ເຍື່ອທໍ່ທາງເດີນຫາຍໃຈມີອາການບວມ ແລະ ກຶງ.
ອາການຂອງຄົນສະມັກທີ່ສັງເກດໄດ້:

- ຜູ້ທີ່ສະມັກ ມັກຈະໃຊ້ມືໄປຈັບທີ່ຄໍຂອງຕົນເອງ
- ຜູ້ທີ່ສະມັກ ຫາຍໃຈບໍ່ອອກ ໄອ ຫຼື ຫາຍໃຈບໍ່ໄດ້
- ຜູ້ທີ່ສະມັກ ບໍ່ສາມາດເວົ້າໄດ້
- ຜູ້ທີ່ສະມັກ ບໍ່ສາມາດໄອ ເພື່ອໃຫ້ອາຫານ ຫຼື ສິ່ງທີ່ຄາຄໍອອກມາໄດ້
- ຮີມສົບ ແລະ ໜ້າປ່ຽນສີ
- ໃນທີ່ສຸດ ຜູ້ທີ່ສະມັກຈະໝົດສະຕິ ແລະ ເປັນລົມ
ການສະມັກນັ້ນເກີດຂຶ້ນເນື່ອງຈາກມີສິ່ງກີດຂວາງທາງເດີນຫາຍໃຈ ຫຼື ຫຼອດລົມ ແລະ ມັັກເປັນສາເຫດຂອງການຕາຍທີ່ພົບເຫັນເລື້ອຍ ດັ່ງນັ້ນ ການຊ່ອຍເຫຼືອຜູ້ທີ່ສະມັກແມ່ນມີຄວາມຈໍາເປັນທີ່ຜູ້ຢູ່ອ້ອມຂ້າງຈະຕ້ອງຮູ້ ເພື່ອຊ່ອຍເຫຼືອຜູ້ສະມັກ ໂດຍມີວິທີການເບື້ອງຕົ້ນດັ່ງຕໍ່ໄປນີ້:

…….ຫາກຜູ້ທີ່ສະມັກບໍ່ສາມາດໄອໄດ້ເອງ ຫຼື ໄດ້ພະຍາຍາມໄອແລ້ວແຕ່ບໍ່ໄດ້ຜົນ ຜູ້ທີ່ເຫັນເຫດການຄວນຕົບແຮງໆທີ່ບໍລິເວນຫຼັງຂອງຜູ້ສະມັກ ເພື່ອກະຕຸ້ນໃຫ້ເກີດການໄອ ຄວນເຮັດຊໍ້າ 5 ຄັ້ງ ຫາກສິ່ງທີ່ຄາຄໍຍັງບໍ່ອອກມາໝົດ ວິທີ  Heimlich Maneuver ສາມາດປະຕິບັດໄດ້ໃນຜູ້ໃຫຽ່ ຫຼື ເດັກທີ່ມີອາຍຸຫຼາຍກວ່າ 1 ຂວບຂຶ້ນໄປ:

1 ໃຫ້ຜູ້ສະມັກຢືນຂຶ້ນ
2 ຢືນທາງຫຼັງຜູ້ສະມັກໂດຍໃຫ້ຂາເບື້ອງນຶ່ງຢູ່ລະຫວ່າງຂາທັງສອງເບື້ອງຂອງຜູ້ສະມັກ ເພື່ອຊູຜູ້ສະມັກໃນກໍລະນີໝົດສະຕິ



3. ຄວນແຈ້ງໃຫ້ຜູ້ສະມັກຊາບວ່າ ພວມໃຫ້ການຊ່ອຍເຫຼືອ
4. ໃຊ້ແຂນທັງສອງເບື້ອງໂອບຮອບແອວຜູ້ສະມັກ ຄວນລະວັງຢ່າໃຫ້ແຂນຢູ່ບໍລິເວນກະດູກຂ້າງ ເນື່ອງຈາກອາດຈະມີຜົນເຮັດໃຫ້ດູກຂ້າງຫັກໄດ້



5. ກໍາມືຂ້າງນຶ່ງ ໂດຍໃຫ້ນີ້ວໂປ້ຢູ່ຕິດກັບໂຕຜູ້ສະມັກ ໃນບໍລິເວນທີ່ເໜືອສາຍບືຂຶ້ນມາໜ້ອຍນຶ່ງ ແລະ ຢູ່ໃຕ້ຂໍ້ຕໍ່ກະດູກແຜງໜ້າເອິກ



6. ໃຊ້ມືອີກເບື້ອງນຶ່ງຈັບເບື້ອງທີ່ກໍາເອົາໄວ້



7. ອອກແຮງດັນມືທີ່ກໍາໄວ້ຂຶ້ນມາທາງເທິງຢ່າງວ່ອງໄວ ແລະ ຄວນອອກແຮງໃຫ້ຫຼາຍພໍທີ່ຈະດັນສິ່ງທີ່ຄາຄໍຢູ່ໃຫ້ອອກມາ



8. ໃນການອອກແຮງດັນນັ້ນ ຈະຊ່ອຍເຮັດໃຫ້ກະບັງລົມດັນໃຫ້ອາກາດອອກມາຈາກປອດຂອງຜູ້ສະມັກ ເຮັດໃຫ້ເກີດລັກສະນະທີ່ຄ້າຍຄືກັບໄອ
9. ອອກແຮງຊູຜູ້ສະມັກເອົາໄວ້ ເນື່ອງຈາກຜູ້ສະມັກອາດໝົດສະຕິ ຫາກການຊ່ອຍເຫຼືອບໍ່ໄດ້ຜົນ
10. ຄວນເຮັດຊໍ້າໄດ້ເຖິງ 5 ຄັ້ງ ຫາກບໍ່ໄດ້ຜົນຕ້ອງຮີບທໍາການກູ້ຊີບທັນທີ ແລະ ຄວນຮຽກລົດໂຮງໝໍໂດຍດ່ວນ

ຂໍ້ຄວນລະວັງ

- ບໍ່ຄວນໃຊ້ວິທີ  Heimlich maneuver ຫາກບໍ່ແນ່ໃຈວ່າເປັນການສະມັກ
- ໃນກໍລິນີທີ່ຜູ້ສະມັກໝົດສະຕິໄປແລ້ວ ຄວນຮຽກລົດໂຮງໝໍໂດຍດ່ວນ ແລະ ເລີ່ມທໍາການກູ້ຊີວິດ CPR ເປົ່າປາກ ປໍ້າຫົວໃຈ ຫາກມີອາການຫົວໃຈຢຸດເຕັ້ນທັນທີ
- ກໍລະນີເປັນຍິງຕັ້ງທ້ອງ ແລະ ຄົນຕຸ້ຍ ສາມາດໃຊ້ວິທີ Heimlich maneuver ໂດຍໃຊ້ກໍາປັ້ນກົດໜ້າທ້ອງບໍລິເວນໃຕ້ລີ້ນປີ່ ພ້ອມກັບການຕົບ ຫຼື ຊັດຫຼັງແຮງໆພໍທີ່ຈະຊ່ອຍເພີ່ມແຮງດັນໃນຊ່ອງເອິກ ແລະ ທາງເດີນຫາຍໃຈ ເຮັດໃຫ້ສິ່ງທີ່ອັດຕັນນັ້ນຖືກຂັບອອກມາໄດ້ ແລະ ຄວນເຮັດຊໍ້າຖ້າສິ່ງອັດຕັນຍັງບໍ່ຫຼຸດອອກມາ
ສໍາລັບໃນກໍລະນີທີ່ເກີດກັບເດັກນ້ອຍ ມີຂໍ້ແນະນໍາງ່າຍດັ່ງນີ້:

- ວາງເດັກຂວໍ້າລົງເທິງແຂນ ແລະ ວາງແຂນນັ້ນລົງເທິງໜ້າຕັກ ໃຫ້ຫົວຂອງເດັກຢູ່ຕໍ່າ ຫຼື ດ່ອຍລົງ
- ເຄາະຫຼັງ 5 ຄັ້ງຕິດຕໍ່ກັນ ແຖວຫວ່າງກາງກະດູກປີກທັງສອງຂ້າງ (ກາງສັນຫຼັງຂ້ອນເມືອທາງເທິງ)
- ພິກເດັກໃຫ້ຫງາຍເທິງແຂນອີກຂ້າງນຶ່ງເຊິ່ງວາງໄວ້ເທິງໜ້າຕັກ ໃຫ້ຫົວດ່ອຍຄືເກົ່າ ແລ້ວກົດໜ້າເອິກໂດຍໃຊ້ສອງນິ້ວກົດເທິງກະດູກໜ້າເອິກໃນຕໍາແໜ່ງເທິງຫົວນົມທັງສອງເບື້ອງລົງມານຶ່ງຝາມື
- ເຮັດຊໍ້າອີກຈົນກວ່າສິ່ງທີ່ອັດຕັນຈະຫຼຸດອອກມາ ຫຼື ຈົນເດັກໝົດສະຕິ ຫາກເດັກໝົດສະຕິໃຫ້ທໍາການປະເມີນການຫາຍໃຈ ການເຕັ້ນກໍາມະຈອນ ແລະ ໃຫ້ການຊ່ອຍເຫຼືອການຫາຍໃຈ ສະຫຼັບກັບການເຄາະຫຼັງ ແລະ ກົດໜ້າເອິກ




by www.vtetoday.la
96
ກິນແອັບເປິ້ນເປັນປະຈຳມີດີຕໍ່ສຸຂະພາບຫຼາຍຢ່າງ

ບາງຄົນອາດຈະຍັງບໍ່ທັນຮູ້ຄວາມໝາຍຂອງແອັບເປິ້ນໃນແຕ່ລະສີວ່າມີຄຸນປະໂຫຍດຄືແນວໃດ ດັ່ງນັ້ນເຮົາມາຮູ້ຈັກໄປພ້ອມກັນເລີຍ

ແອັບເປີ້ນແດງ

-. ແອັບເປີ້ນສີແດງເຂັ້ມເປັນສາຍພັນທີ່ມີສານຕ້ານອະນຸມູນອິດສະຫຼະຫຼາຍທີ່ສຸດ ໂດຍສານຕ້ານອະນຸມູນອິດສະຫຼະທີ່ຢູ່ໃນຜິວແອັບເປີ້ນສີແດງ
-. ມີລິດໃນການຕ້ານອະນຸມູນອິດສະຫຼະຫຼາຍທຽບເທົ່າກັບວິຕາມິນຊີເຖິງ 1,500 ມິນລີກຼາມ ເຊິ່ງສານຕ້ານອະນຸມູນອິດສະຫຼະເຫຼົ່ານນີ້ຈະໄປເຮັດໜ້າທີ່ຂັດຂວາງການເຕີບໂຕຂອງເຊວມະເຮັງໃນຮ່າງກາຍ
    ຮວມທັງມີປະໂຫຍດຕໍ່ສຸຂະພາບຫົວໃຈ ແລະຍັງຊ່ວຍປ້ອງກັນການເກີດໂຣກອັນໄຊເມີ ແລະຍັງຊ່ວຍເລື່ອງຜິວພັນບໍ່ໃຫ້ເກີດຮ່ອຍແຫ່ວໄວກ່ອນອາຍຸ

ແອັບເປີ້ນຂຽວ

-. ແອັບເປີ້ນຂຽວ ເຕັມໄປດ້ວຍປະໂຫຍດຫຼາກຫຼາຍ ບໍ່ວ່າຈະເປັນໃຍອາຫານທີ່ມີສູງ ຊ່ວຍໃນລະບົບຂັບຖ່າຍ ລະດັບສານຕ້ານອະນຸມູນອິດສະຫຼະທີ່ສູງ ແລະຍັງຊ່ວຍຫຼຸດຄວາມຢາກອາຫານໄດ້ດີອີກດ້ວຍ

ແອັບເປີ້ນເຫຼືອງ

-. ແອັບເປີ້ນຊະນິດນີ້ເຮົາອາດບໍ່ຄ່ອຍໄດ້ເຫັນປານໃດ ແຕ່ປະໂຫຍດຂອງແອັບເປີ້ນສາຍພັນນີ້ນັ້ນມີຫຼາຍ
   ບໍ່ວ່າຈະເປັນເລື່ອງການບຳລຸງດວງຕາ ຊ່ວຍເສີມສ້າງພູມຄຸ້ມກັນໃຫ້ແຂງແຮງ ບໍ່ພຽງເທົ່ານັ້ນແອັບເປີ້ນສີເຫຼືອງຍັງຊ່ວຍລ້າງສານພິດສະສົມໃນຕັບອອກຈາກຮ່າງກາຍ

ແອັບເປີ້ນສີບົວ

-. ແອັບເປີ້ນສີບົວອົມແດງມີປະລິມານວິຕາມິນຊີຫຼາຍເຖິງ 1 ໃນ 4 ຂອງປະລິມານວິຕາມິນທີ່ຄວນໄດ້ຮັບຕໍ່ມື້ ເຊິ່ງວິຕາມິນຊີນີ້ມີລິດເປັນສານຕ້ານອະນູມູນອິດສະຫຼະ
    ຊ່ວຍເຮັດໃຫ້ຜະໜັງຂອງຫຼອດເລືອດຝອຍແຂງແຮງຂື້ນ ແຖມຍັງຫຼຸດອາການເລືອດອອກຕາມເຟັນແຂ້ວໄດ້ດີ

ຮູ້ຄຸນປະໂຫຍດແບບນີ້ແລ້ວສຳລັບຄົນທີ່ບໍ່ມັກກິນແອັບເປິ້ນລອງຫາມາກິນເດີ້ ເພື່ອສຸຂະພາບທີ່ດີຂອງທ່ານເອງ
97
ນັກຫລິ້ນອິນເຕີເນັດທຸກທ່ານ ກະລຸນາອ່ານບົດຄວາມນີ້ກ່ອນ ” ການຮັກສາ
ຄວາມປອດໄພໃນການຫລິ້ນອິນເຕີເນັດ ” ຫລາຍໆທ່ານອາດຈະແປກໃຈວ່າ
ຫລິ້ນອິນເຕີເນັດມາແຕ່ດົນ ບໍ່ເຄີຍມີບັນຫາຫຍັງ ແຕ່ວ່າລອງອ່ານຂໍ້ມູນຂ້າງລຸ່ມ
ນີ້ກ່ອນ ຈາກນັ້ນທ່ານຈະເຫັນວ່າ ມັນບໍ່ຄືທີ່ທ່ານເຄີຍຄິດມາ.

1. Auto Complete

ຫລາຍໆທ່ານທີ່ນໍາໃຊ້ອິນເຕີເນັດໃນຮ້ານບໍລິການອິນເຕີເນັດທົ່ວໄປ ຫຼື
ໃຊ້ຄອມພິວເຕີຮ່ວມກັນຜູ້ອື່ນ ທ່ານເຄີຍຮູ້ບໍວ່າເປັນຫຍັງບາງເທື່ອ
ເວລາຕື່ມຂໍ້ມູນໃສ່ໃນບາງເວັບໄຊ ຈິ່ງມີຂໍ້ຄວາມຂື້ນມາໃຫ້ອັດຕະໂນມັດ
ໂດຍບໍ່ຈຳເປັນຕ້ອງຕື່ມຂໍ້ມູນຈົນສໍາເລັດ ເນື່ອງຈາກວ່າໂປຣແກຣມ IE
ແມ່ນມີການເກັບຂໍ້ມູນທີ່ທ່ານເຄີຍພິມໄວ້ ໂດຍມີຟັງຊັ້ນທີ່ຊ່ວຍໃນການ
ຕື່ມຂໍ້ມູນນັ້ນຄື Autocomplete ແລ້ວທ່ານລອງຄິດເບິ່ງວ່າ ຖ້າມີໃຜ
ຜູ້ໜຶ່ງເອົາຂໍ້ມູນຂອງທ່ານໄປໃຊ້ ທ່ານຄິດວ່າຈະເປັນແນວໃດ?
ພວກເຮົາມີວິທີທີ່ຈະແກ້ໄຂໃຫ້ດັ່ງນີ້:

• ກົດໄປທີ່ເມນູ Tools
• ເລືອກເອົາ Internet Options
• ກົດແທ໊ບເພື່ອເລືອກ Contents
• ກົດເລືອກປຸ່ມ AutoComplete
• ກົດຍົກເລີກອ໊ອບຊັ້ນ Forms

2. Clear History

ເວລາທີ່ທ່ອງທ່ຽວເວັບໄຊແລ້ວ ບໍ່ຕ້ອງການໃຫ້ໃຜຮູ້ວ່າເຮົາເຄີຍໄດ້ເຂົ້າ
ເວັບໄຊໃດມາແດ່ ຊຶ່ງບາງເວັບໄຊ ອາດຈະບໍ່ເໝາະສົມສໍາລັບເດັກນ້ອຍ ຫຼື
ຫົວໜ້າຂອງທ່ານທີ່ຈະຮູ້ ຈະເຮັດແນວໃດດີ ບໍ່ຍາກເຮົາມີວິທີທີ່ຈະມາບອກ.

• ກົດໄປທີ່ເມນູ Tools
• ເລືອກເອົາ Internet Options
• ກົດແທ໊ບເພື່ອເລືອກ General
• ໃຫ້ກົດປຸ່ມ Clear History

3. Cookies

Cookies ແມ່ນເປັນ Text file ຂະໜາດນ້ອຍທີ່ເວັບເຊີເວີສົ່ງກັບມາ
ທີ່ເຄື່ອງຄອມພິວເຕີຂອງທ່ານ ເຮັດໜ້າທີ່ໃນການເກັບຂໍ້ມູນຕ່າງໆໃນຮູບແບບ
ຂອງໄຟລ໌ເພື່ອຈື່ລະຫັດຜ່ານ ລາຍລະອຽດຂອງການເຂົ້າໄປນຳໃຊ້ເວັບໄຊນັ້ນໆ
ຊຶ່ງຈຸດນີ້ເອງ ເຮັດໃຫ້ເຈົ້າຂອງເວັບໄຊ ຫຼື ພວກແຮັກເກີ ສາມາດເຂົ້າໄປ
ກວດກາ ປັບປຸງແກ້ໄຂ ຫຼື ທໍາລາຍເຄື່ອງຄອມພິວເຕີຂອງທ່ານໄດ້
ພວກເຮົາມີວິທີແກ້ໄຂໃຫ້ດັ່ງນີ້:

• ເຂົ້າໄປໃນໂປຣແກຣມ Windows Explorer
• ເຂົ້າໄປໃນໂຟນເດີ C:winodwscookies ລຶບ File ທັງໝົດ
ທີ່ຢູ່ໃນໂຟນເດີນັ້ນ.
• ເຂົ້າໄປໃນໂຟນເດີ C:winodwsTemporary Internet Files
ລຶບ File ທັງຫມົດທີ່ຢູ່ໃນໂຟນເດີນັ້ນ.
• ອາດຈະນໍາໃຊ້ໂປຣແກຣມ Disk Clean up ຊຶ່ງຢູ່ໃນເມນູ
Accessories ເພື່ອຊ່ວຍກໍໄດ້.

4. Security Level

ການກໍານົດລະດັບຂອງການຮັກສາຄວາມປອດໄພໃນລະດັບຕ່າງໆໄດ້ງ່າຍໆ
ພຽງແຕ່ກົດເລືອກລະດັບທີ່ຕ້ອງການ High, Medium, Medium-Low
ແລະ Low ຊຶ່ງແຕ່ລະລະດັບກໍຈະມີຄຳອະທິບາຍໄວ້ໃຫ້ ແລະ ຖ້າຫາກ
ທ່ານເປັນຜູ້ທີຊໍານິຊໍານານໃນການນໍາໃຊ້ອິນເຕີເນັດ ອາດຈະສາມາດເລືອກ
ຫົວຂໍ້ Custom ເພື່ອກໍານົດລາຍລະອຽດຍ່ອຍໆໄດ້ດ້ວຍຕົນເອງ.

• ກົດໄປທີ່ເມນູ Tools
• ເລືອກເອົາ Internet Options
• ກົດແທ໊ບເລືອກ Security
• ກົດແທ໊ບເລືອກ Default Level
• ປັບລະດັບຂອງການຮັກສາຄວາມປອດໄພຕາມຄວາມຕ້ອງການ.


by: vtetoday.la
98

•   ຕິດຕັ້ງ Driver ຂອງ Modem ຂອງທ່ານໃຫ້ຖືກຕ້ອງ

ຖືວ່າເປັນເລື່ອງທີ່ສຳຄັນ ເນື່ອງຈາກວ່າການໃຊ້ Driver ທີ່ຖືກຕ້ອງ
ຈະເຮັດໃຫ້ເຮົາສາມາດນໍາໃຊ້ຄວາມສາມາດຂອງໂມເດັມໄດ້ຫລາຍທີ່ສຸດ.
ວິທີການກວດເບິ່ງ ໃຫ້ກົດປຸ່ມ Start, ເລືອກ Control Panel,
ແລ້ວໃຫ້ກົດທີ່ໄອຄອນ Modem ຈາກນັ້ນກົດ General Tab
ສັງເກດເບິ່ງວ່າຊື່ໂມເດັມກົງກັບທີ່ໃຊ້ຢູ່ຫຼືບໍ່ ຖ້າຫາກວ່າບໍ່ ໃຫ້ຕິດຕໍ່ຫາ
ບໍລິສັດທີ່ທ່ານຊື້ມາ ຫຼື ຖ້າຫາກວ່າບໍ່ສະດວກໃຫ້ເຂົ້າໄປທີ່ເວັບໄຊທ໌
ຂອງເຈົ້າຂອງໂມເດັມນັ້ນ ແລ້ວເລືອກ download Driver
ຂອງໂມເດັມຂອງທ່ານ ເລືອກເອົາເວີຊັ້ນໃໝ່ສຸດ.

•   ຊື້ໂມເດັມທີ່ມີຄວາມໄວສູງສຸດ

ຖ້າຫາກວ່າທ່ານຕ້ອງການຄວາມໄວທ່ານກໍຕ້ອງຊື້ໂມເດັມທີ່ໄວຂຶ້ນ
ແຕ່ກໍຕ້ອງເບິ່ງວ່າຄວາມໄວຂອງ PC ທີ່ທ່ານໃຊ້ ຊຶ່ງມັນກໍເປັນ
ສ່ວນປະກອບໜຶ່ງທີ່ເຮັດໃຫ້ນໍາໃຊ້ອິນເຕີເນັດໄດ້ໄວຂຶ້ນ.

•   ໂມເດັມດຽວບໍ່ພໍ ໃຊ້ສອງໂມເດັມ

ຫົວຂໍ້ນີ້ບໍ່ຢາກແນະນຳ ຍ້ອນວ່າທ່ານຕ້ອງໄດ້ເສຍເງິນເພີ່ມ ແລະ
ເສຍເງິນຄ່າໂທລະສັບໃນການນຳໃຊ້ເພີ່ມເຊັ່ນດຽວກັນ ແຕ່ກໍເປັນ
ວິທີທີ່ດີ ຖ້າທ່ານຕ້ອງການນໍາໃຊ້ອິນເຕີເນັດຢ່າງໄວ ແຕ່ເຖິງຢ່າງໃດກໍດີ
ການນໍາໃຊ້ໂມເດັມ 2 ໂຕໄດ້ນັ້ນ ຈະຕ້ອງຂື້ນກັບ ISP ທີ່ທ່ານໃຊ້
ບໍລິການວ່າ ສະໜັບສະໜູນ 2 ໂມເດັມ ຫຼື ບໍ່.

•   ເລືອກ ISP ທີ່ໄວ ແລະ ດີທີ່ສຸດ

ທ່ານອາດຈະເປັນຄົນໜຶ່ງ ທີ່ນໍາໃຊ້ບໍລິການກັບຫລາຍໆ ISP ແຕ່ກໍຍັງ
ບໍ່ທັນຖືກໃຈ ບໍ່ວ່າຈະເປັນເລື່ອງ ການສະໜັບສະໜູນ ຫຼື ເລື່ອງລະບົບ,
ຫລາຍເທື່ອເກີດການ shutdown ເອງຊື່ໆ ( ແກ້ໄຂ Server )
ດັ່ງນັ້ນ ວິທີທີ່ງ່າຍດາຍໃນການເລືອກ ISP ມານໍາໃຊ້ຄື ໃຊ້ຊຸດ
ອິນເຕີເນັດສໍາເລັດຮູບປະມານ 10 ຊົ່ວໂມງ ແລ້ວລອງໃຊ້ເບິ່ງກ່ອນ.

•   ເລືອກເບີໂທລະສັບໃນການເຊື່ອມຕໍ່ໃຫ້ຖືກຕ້ອງ

ຫົວຂໍ້ນີ້ສໍາຄັນຫລາຍ ເນື່ອງຈາກວ່າຫລາຍໆທ່ານຍັງບໍ່ເຂົ້າໃຈ ISP
ຈະມີບໍລິການອິນເຕີເນັດຫລາຍໆລະດັບ ຂື້ນກັບຄວາມໄວຂອງໂມເດັມ
ຂອງທ່ານ ຕົວຢ່າງ ຖ້າໃນໂມເດັມ 33.6 kbps ຈະຕ້ອງໃຊ້
ໂທລະສັບນໍາເບີໃດ ແລະ ຖ້າຫາກວ່າທ່ານໃຊ້ໂມເດັມ 56 kbps
ທ່ານຈະຕ້ອງໃຊ້ໂທລະສັບນໍາເບີໃດ ແຕ່ເຖິງຢ່າງໃດກໍດີ ຖ້າຫາກວ່າ
ທ່ານໃຊ້ນໍາເບີໂທລະສັບຜິດ ມັນກໍສາມາດຕິດຕໍ່ໄດ້ ແຕ່ວ່າອາດຈະເຮັດ
ໃຫ້ການນໍາໃຊ້ອິນເຕີເນັດຊ້າລົງໄດ້.

•   ຫລີກເວັ້ນຄວາມແອອັດຂອງການຈະລາຈອນໃນອິນເຕີເນັດ

ໄລຍະເວລາທີ່ຄົນມັກໃຊ້ອິນເຕີເນັດຫລາຍແມ່ນລະຫວ່າງ 5 ໂມງແລງ
ຫາ 12 ໂມງກາງຄືນ, ເພາະສະນັ້ນ ຖ້າຫາກວ່າທ່ານສາມາດຫລີກເວັ້ນ
ເວລາດັ່ງກ່າວໄດ້ ກໍຈະມີສ່ວນຊ່ວຍໃຫ້ທ່ານນໍາໃຊ້ອິນເຕີເນັດໄດ້ໄວຂື້ນ.

•   ຕັ້ງຄ່າ Buffers ໃຫ້ຫລາຍຂື້ນ

ຖ້າຫາກທ່ານກໍາລັງໃຊ້ໂມເດັມແບບ UART ລຸ້ນ 16550 ຫຼື ຄ້າຍຄືກັນ
ແລະ ນໍາໃຊ້ Windows 95,98 /NT ໃຫ້ລອງປັບປ່ຽນຄ່າ Buffers
ໂດຍການກົດປຸ່ມ Start ເລືອກ Control Panel ໃຫ້ກົດໃສ່ໄອຄ້ອນ
Modems ກົດເລືອກ Properties ໃຫ້ກົດອີກເທື່ອຢູ່ທີ່ປຸ່ມ
Connection tab ທ່ານຈະພົບແຖບສະໄລ້ທີ່ມີຂໍ້ຄວາມ Port Setting
ໃຫ້ປັບຄ່າ Receive Buffers ແລະ Transmit Buffers
ໄປທາງຂວາ ເປັນການເພື່ມ Buffers ໃຫ້ຫລາຍຂື້ນເຊິ່ງຈະເຮັດໃຫ້
ທ່ານຫລີ້ນອິນເຕີເນັດໄດ້ໄວຂຶ້ນ.

•   ຕັ້ງຄ່າ Ports ໃຫ້ເໝາະສົມ

ໃຫ້ທົດລອງປ່ຽນແປງຄ່າຄວາມໄວຂອງ Port ໃຫ້ເປັນ 57,600 ຫຼື
115,200 bps ໂດຍເຂົ້າໄປທີ່ Modem ເລືອກ Properties
ເຂົ້າໄປເບິ່ງທີ່ Maximum speed ຫລັງຈາກຕິດຕັ້ງຄ່າ Modem
ແລ້ວໃຫ້ປັບຄ່າຄວາມໄວຂອງ Port ໃນ Device Manager
ຕື່ມອີກ ໂດຍການກົດທີ່ Control Panel ເລືອກໄອຄອນ
System ກົດເລືອກ Device Manager ແລ້ວເລືອກ Port
ແລະ ກົດໝາຍເລກ Com Port ທີ່ທ່ານຕິດຕັ້ງໂມເດັມເອົາໄວ້ເລືອກ
Port Setting ( ຂໍ້ຄວາມ Flow Control ຖືກເລືອກເປັນ
Hardware ) ຫລັງຈາກນັ້ນ ກຳນົດຄ່າ 57,600 ຫຼື 115,200
ໃຫ້ກົງກັບ Modem Properties ທີ່ໄດ້ເລືອກເອົາໄວ້ໃນເບື້ອງຕົ້ນ.

•   ຕິດຕັ້ງໂປຣແກຣມຊ່ວຍປັບຄ່າ ແລະ ຕິດ Turbo ໃຫ້ກັບ
ເວັບບຣາວເຊີຂອງທ່ານ

ພາຍຫລັງທີ່ປັບຄ່າຕ່າງໆແລ້ວຍັງບໍ່ເພິ່ງພໍໃຈ ໃຫ້ລອງຕິດຕັ້ງໂປຣແກຣມ
ທີ່ຊ່ວຍໃນການປັບຄ່າ ແລະຊ່ວຍເຫລືອໃນການເພີ່ມຄວາມໄວໂດຍການ
ກວດສອບ Configuration ທີ່ເຫມາະສົມສໍາລັບ ISP ຂອງທ່ານ
( ຊຶ່ງແຕ່ລະ ISP ຈະບໍ່ຄືກັນ ) ໂປຣແກຣມເຫລົ່ານີ້ປະກອບມີ
Internet Turbo, Web Turbo.

•   ລຶບຂໍ້ມູນໃນ Cache ແລະ ປັບແຕ່ງ Harddisk
ໃຫ້ທົດລອງປ່ຽນແປງຄ່າຄວາມໄວຂອງ Port ໃຫ້ເປັນ 57,600 ຫຼື
115,200 bps ໂດຍການເຂົ້າໄປທີ່ Modem ເລືອກ Properties
ເບິ່ງທີ່ຊ່ອງ Cache ຄືພື້ນທີ່ທີ່ກຳນົດໄວ້ສຳລັບຫລີ້ນອິນເຕີເນັດ ຖ້າຫ່ານ
ມີພື້ນທີ່ໃນ Harddisk ບໍ່ພຽງພໍ ທ່ານຄວນຈະລຶບ Cache ອອກ
ໂດຍເຂົ້າໄປທີ່ເວັບບຣາວເຊີ້ຂອງທ່ານ IE 5 ໃຫ້ກົດ Tools ເລືອກ
Internet Option ໃຫ້ເລືອກ Temporary Internet Files
ໃຫ້ເລືອກ Delete files ( Files ເຫຼົ່ານີ້ຄື Files ທີ່ຖືກ
Save ໄວ້ໃນຂະນະທີ່ທ່ານຫລິ້ນອິນເຕີເນັດ ) ຫລັງຈາກນັ້ນ
ທ່ານປັບແຕ່ງ Harddisk ໂດຍການເລືອກຄຳສັ່ງ Scandisk ແລະ
Disk Defragmenter ຊຶ່ງຄຳສັ່ງນີ້ຢູ່ທີ່ເມນູ Accessories
ເມນູຍ່ອຍ System Tools.


by www.vtetoday.la
99
ອັນຕະລາຍການວາງໂທລະສັບໄວ້ຂ້າງຕົວເວລານອນ

ເຕືອນອັນຕະລາຍ !!! ເວລານອນໃຜມັກວາງໂທລະສັບໄວ້ໃກ້ໂຕຕ້ອງອ່ານ!! ເພາະສ່ຽງ  ອັນຕະລາຍທີ່ສຸດ

       ງານວິໃຈລ້າສຸດພົບວ່າ ແປດໃນສີບຄົນມີການນຳໂທລະສັບມືຖືວາງໄວ້ຂ້າງໆຕົວໃນເວລານອນຕອນກາງຄືນ ຊຶ່ງສ່ວນໃຫຍ່ກໍເພື່ອໃຊ້ມັນຕັ້ງໂມງປຸກ.

       ເທື່ອໜ້າ ຫາກເຮົານອນບໍ່ຫຼັບຕອນກາງຄືນ ລອງເອົາໂທລະສັບມືຖືຂອງເຮົາອອກໄປຈາກຫ້ອງນອນເບີ່ງ ຄວາມໃກ້ຊິດກັບໂທລະສັບມືຖືສາມາດລົບກວນການນອນຫຼັບທີ່ດີຂອງເຮົາໄດ້

       ຊຶ່ງອາດເຮັດໃຫ້ເກີດອາການນອນບໍ່ຫຼັບ ແລະ ປັນຫາການນອນຫຼັບຕ່າງໆ ພະຍາຍາມນອນຢູ່ໃນຫ້ອງທີ່ບໍ່ມີໂທລະສັບມືຖື ຫຼື ອຸປະກອນອິເລັກໂທນິກອື່ນໆ ການນອນຂອງເຮົາຈະເລີ່ມດີຂື້ນເລື້ອຍໆ

        ນອກຈາກນີ້ ນອນກັບໂທລະສັບມືຖືອາດເຮັດໃຫ້ເກີດການນອນບໍ່ຫຼັບ ແລະ ຍັງສາມາດເຮັດໃຫ້ເກີດອາການປວດຫົວໄດ້ ແລະ ວິນຫົວອີກດ້ວຍ

        ຕາມຄວາມເຫັນຂອງ ດຣ ຊາສ໌ ເຊສເລີ ປັນຫາຫຼັກຂອງໂທລະສັບມືຖືຄື ແສງປະດິດຂອງມັນສົ່ງຜົນກະທົບທີ່ບໍ່ດີຕໍ່ຮ່າງກາຍຂອງເຮົາ ສະໝອງຂອງເຮົາຈະຖູກຫຼອກໃຊ້ເຊື່ອວ່າເປັນເວລາກາງເວັນ ແສງຊ່ວຍກະຕຸ້ນເຊວໃນຈໍປະສາດຕາ ພື້ນທີ່ບໍລິເວນຮອບໆຂ້າງດວງຕາທີ່ສົ່ງຂໍ້ຄວາມໄປຍັງສະໝອງ ເຊວໄວຕໍ່ແສງຈະໃຫ້ຂໍ້ມູນຕໍ່ຮ່າງກາຍຂອງເຮົາວ່າມັນເປັນເວລາກາງເວັນ
100



ການທີ່ Internet ຊ້າມີຫລາຍສາເຫດດັ່ງນີ້:

1.   ເກີດຂື້ນຈາກການນຳໃຊ້ເຊັ່ນ: FTP, Mail, Web ຫລາຍເກີນ
Bandwidth ທີ່ສະໝັກໄວ້ກັບ ISP ( ຮັບ – ສົ່ງ ຂໍ້ມູນຫລາຍ ).

ວິທີແກ້ໄຂ: ໃຫ້ກຳນົດການນຳໃຊ້ Internet ພາຍໃນອົງການຈັດຕັ້ງວ່າ
ໃຜຈຳເປັນຕ້ອງນຳໃຊ້ ຫຼື ບໍ່ຈຳເປັນຕ້ອງນຳໃຊ້ ຫຼື ຈະກໍານົດໃຫ້ໃຊ້ໄດ້
ສະເພາະບາງຢ່າງເຊັ່ນ Mail, MSN, Web ເປັນຕົ້ນ ຖ້າຍັງບໍ່ໄວຂື້ນ
ແນະນຳໃຫ້ຂະຫຍາຍ Banwidth .

2.   ສາເຫດເກີດມາຈາກ media ( LL, ISDN, ADSL, PSTN )
ເຊັ່ນ: ຄູ່ສາຍແມ່ນມີອາຍຸເກົ່າເກີນໄປ ຫຼື ມີສັນຍານລົບກວນຫລາຍ
ຈົນເກີດການ Loss.

ວິທີແກ້ໄຂ: ລາຍງານໃຫ້ຜູ້ບໍລິການ media provider ກວດສອບ
ແລະ ແກ້ໄຂ.

3.   ເກີດຈາກ network ພາຍໃນ ເຊັ່ນ: ຕິດ virus ຊຶ່ງເຮັດໃຫ້ເກີດ
ການແອອັດຂອງຂໍ້ມູນພາຍໃນ network.

ວິທີແກ້ໄຂ: ຈັດການຂ້າ virus ແລະ Update windows
ຢ່າງສະໝ່ຳສະເໝີ.

4.   ເກີດຈາກອຸປະກອນ network (gateway, router,
switch/hub ) ອາດຈະມີບັນຫາ ອຸປະກອນເກົ່າເກີນໄປ ເກີດການເສຍ
ຄຸນນະພາບ ເຮັດໃຫ້ເກີດການ delay ຫຼື ບໍ່ສາມາດທີ່ຈະເຮັດວຽກໄດ້.

ວິທີແກ້ໄຂ: ກວດກາເບິ່ງ ຫຼື ປ່ຽນແທນອຸປະກອນ.

5.   ເກີດຈາກຄອມພິວເຕີຂອງຜູ້ໃຊ້ນັ້ນເອງ ອາດຈະມີປະສິດທິພາບຕ່ຳ
ເກີນກວ່າການນໍາໃຊ້ຕົວຈິງ ຫຼື ໃຊ້ວຽກເປິດໂປຣແກຣມຫລາຍເກີນໄປ ຫຼື
ອາດຈະຂາດການບຳລຸງຮັກສາ.

ວິທີແກ້ໄຂ: ໃຫ້ update windows ຫຼື ໂປຣແກຣມຕ່າງໆ
ຢ່າງເປັນປົກກະຕິໂດຍສະເພາະ Anti-virus.


by http://www.vtetoday.la
Pages: 1 ... 8 9 [10]